Aýa raıy
Astana 5 °S
Almaty 11 °S
valıýta baǵamy
USD 421.58
EUR 496.83
RUB 5.53
CNY 62.20

Kólikte órtengen adamdy almatylyq dárigerler qutqaryp qaldy

2020 jyldyń 15 tamyz 2020 08:40

ALMATY. QazAqparat - Kólik ishinde órtenip, denesiniń 75% kúıik shalǵan adamdy almatylyq dárigerler aman alyp qaldy, dep habarlaıdy QazAqparat tilshisi.

Oǵan alǵashqy teri transplantatsııasy jasaldy.

25 maýsymda 44 jastaǵy er adam óz kóliginde tirideı janǵan. Jedel járdem brıgadasy Baqytty úzdik kombýstıolog dárigerler jumys isteıtin №4 Qalalyq klınıkalyq aýrýhanaǵa jetkizdi.

Naýqasty tekserý kezinde bas, bet, moıyn, dene, arqa, joǵarǵy jáne tómengi aıaq-qol aımaǵynda 75% kúıik shalǵany anyqtaldy, qabyrshaqtanǵan epıdermısi bar jerlerde joǵarǵy tynys joldarynyń kúıigi, 2-3 dárejeli kúıik shogy baıqaldy.

«Kúıiktiń aýdany men tereńdigi óte úlken bolǵandyqtan boljam jasaý óte qıynǵa soqty. Naýqas qabyldaý bólimshesin aınalyp ótip, ARQTB-qa (Anestezıologııa, reanımatsııa jáne qarqyndy terapııa bólimshesi) jetkizildi. Alǵashqy medıtsınalyq kómek kórsetilip, klınıkalyq-zerthanalyq jáne aspaptyq tekserýler, mýltıdıstsıplınarlyq tekserý júrgizildi.

13 shildede jaǵdaıy turaqtanǵannan keıin naýqas kúıik bólimshesine aýystyryldy, munda patsıentti reanımatsııa dárigerlerimen birge baqylaýdamyz. Naýqas sozylmaly qant dıabetimen aýyrady, bul jaralardy emdeýdi qıyndatady. Endokrınologtyń kómegimen biz qandaǵy qant deńgeıin qalypqa keltirdik. Qazirgi ýaqytta patsıent ózdigimen júre alady, gemodınamıka salystyrmaly túrde turaqty. Keshe aýtodermoplastıkanyń birinshi kezeńin sátti ótkizdik, endi ekinshi kezeńdi ótkizemiz, sodan keıin shyǵarýǵa daıyndyqty bastaýǵa bolady. Bári jaqsy júrip jatyr», - dedi Almaty qalasy №4 Qalalyq klınıkalyq aýrýhananyń travmatolog-ortoped-kombýstıology Eldos Almenov.

Baqytty emdeýge travmatolog-ortoped-kombýstıolog Daýletbaev Dıas jáne Almenov Eldos taǵaıyndaldy.

Baqyt qaıǵyly kúndi qorqynyshpen eske alady.

«25 maýsymda men jeke kóligim shyqqan órtten sanaýly sekýnd ishinde jalynǵa oranyp, salonda qalyp, tirideı jandym. Meni qalaı qutqarǵany esimde joq. Men osy dárigerlerdiń qolyna túskenim úshin Qudaıǵa sheksiz rızamyn. Dárigerlerim meniń áli ómir súretinimdi dáleldedi. Men aýrýhanaǵa óte aýyr jaǵdaıda tústim jáne qatty qoryqtym, aman qalmaıtyn shyǵarmyn dep oılap edim. Esimde, meniń basymnyń, qulaǵymnyń qatty isinýi boldy, qatty aýyrdy, qan jóteldim, kúresýge kúshim bolmady, sodan soń ózimdi dárigerlerdiń qolyna tapsyrdym. Dárigerler, medbıkeler men sanıtarlardan bastap, maǵan nárestege qaraǵandaı qarady. Qudaı maǵan osy dárigerlerdi berdi. Mine, alǵashqy teri transplantatsııasy ótti, ári qaraı bári jaqsy bolatynyna senimdimin», - dedi naýqas.


Avtor Gúlmıra Ǵosmanálı
Basty sózder: Medıtsına, Oqıǵa, Almaty,
Joǵary qaraı