Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Kólikten baǵaly zattar urlaıtyn almatylyq ustaldy

2021 jyldyń 16 qyrkúıek 2021 22:29

ALMATY. QazAqparat - Almaty polıtsııasy serııalyq avtokólik urysyn ustady dep habarlaıdy QazAqparat tilshisi.

Almaly aýdandyq Polıtsııa basqarmasynyń málimetinshe, 32 jastaǵy K.esimdi azamat buryn kólikten urlyq jasaǵany úshin qylmystyq jaýapkershilikke tartylǵan.

«Bul joly ol «Mıtsýbısı Delıka avtokóliginiń qulpyn ashyp, salonyna kirip, noýtbýkty urlaǵan. Jeńil aqsha áýesqoıynyń qylmystyq áreketteri beınebaqylaý kameralaryna túsip qalǵan. Biz kúdiktiniń izine tústik jáne ony ustadyq. Er adamnyń qalanyń ortalyq bóliginde jumys jasaǵany anyqtaldy. Ol ózine qolaıly kólik izdedi, júrgizýshiniń kólikten ketýin kútip, qolda bar quralmen qulypty ashyp, kez kelgen qundy zatty urlaǵan. Qazirgi ýaqytta kúdikti eki epızod boıynsha óz isin moıyndady. Onyń basqa qylmystarǵa qatystylyǵy tekserilýde»– deıdi Almaly aýdandyq polıtsııa basqarmasynyń bastyǵy Esen Ysqaqov.

Polıtsııa sonymen qatar, sotqa deıingi tergeý QR QK-niń 188-baby 3-bólimi boıynsha jasalǵan qylmysqa sáıkes júrgiziletinin atap ótti.


Avtor Dýman Arǵyngeldi
Basty sózder: Almaty, Qylmyspen kúres,
Joǵary qaraı