Aýa raıy
Astana 8 °S
Almaty 11 °S
valıýta baǵamy
USD 412.55
EUR 468.66
RUB 5.79
CNY 58.80

Komarovskıı koronavırýstan qorǵaıtyn ǵajaıyp ádis týraly aıtty

2020 jyldyń 6 tamyz 2020 13:55

NUR-SULTAN. QazAqparat - Tanymal joǵary sanatty pedıatr-dáriger, medıtsına ǵylymdarynyń kandıdaty Evgenıı Komarovskıı koronavırýsqa qarsy ǵajaıyp dári týraly aıtty, dep habarlaıdy QazAqparat tilshisi.

«Dáriniń qalaı áser etetinin anyqtaý úshin hattama boıynsha zertteý jumystaryn júrgizý kerek. Álem medıtsına ǵylymynda eshqandaı tájirıbesi joq dertpen betpe-bet keldi. Sońǵy jarty jyl ishinde koronavırýsty emdeýge qatysty kózqarasymyzdy san márte ózgerttik», - deıdi Evgenıı Komarovskıı.

Onyń aıtýynsha, ár adam óziniń jáne balasynyń profılaktıkasyn oılaı kele qandaı jaǵdaıda, qandaı vırýs juqtyrǵan kezde qatty aýyratynyn túsinýi kerek.

«Tynys alǵan kezde tynys alý jolyna belgili bir mólsherde vırýs jınalyp qalýy múmkin. Vırýs sany qanshalyqty kóp bolsa, odan ońalý sonshalyqty qıyn bolady. Ár adam qandaı jerde vırýs kóp jınalatynyn bilýi kerek. Ol adam aýyryp jatqan jáne aýa tar jer bolýy múmkin. Osyndaıdy túsingen jaǵdaıda kóp suraqtyń jaýaby tabylady. Eger orman, saıabaq, kóshe boıynda kele jatsańyz - keń aýada vırýs joıylyp ketedi. Aýyrǵan adam sizge jaqyn jerde turyp tynys alsa - aýyryp qalýyńyz múmkin. Eger bólme ishi jeldetilmese - tipten qaýipti», - deıdi ol.

Sondaı-aq, ol koronavırýsqa qarsy eń tıimdi dári - bólmeni jeldetý ekenin aıtty.

«Adamdar ózderi qorqatyn nársege degen kózqarasyn ózgertýi kerek. Bólmeni jıi jeldetip otyrý kerek. Eń ǵajaıyp dári - jeldetý. Adamdar arasyndaǵy qashyqtyqty ulǵaıtyp, aýa almasýdy qamtamasyz etý kerek. Maska taǵýǵa qaraǵanda osy ádis tıimdirek. Úıde qamalyp otyrasyz nemese bólmeni jeldetip otyrasyz. Qazaqstandyqtar osyny túsinýi kerek», - deıdi dáriger.


Avtor Zarına Qaharman
Basty sózder: Medıtsına, Qoǵam, Koronavırýs,
Joǵary qaraı