Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Kómir baǵasy nelikten qymbat, tapshylyq nege týyndady: Mınıstrlik jaýaby

2021 jyldyń 24 qarasha 2021 11:50

NUR-SULTAN. QazAqparat – QR Indýstrııa jáne ınfraqurylymdyq damý mınıstrligi óndirýshi kompanııalardaǵy kómir baǵasyna, óńirlerde onyń quny nelikten joǵary bolyp otyrǵanyna, kómir tapshylyǵy nelikten týyndaǵanyna qatysty jáne ózge de suraqtarǵa jaýap berdi, dep habarlaıdy QazAqparat.

Málim etilgendeı, QR Indýstrııa jáne ınfraqurylymdyq damý mınıstrligimen kómir baǵasynyń ósýine jol bermeýdi kózdeıtin memorandýmǵa qol qoıǵan iri óndirýshi kompanııalar óńirlerdegi kóterme satyp alýshylarǵa kómir belgilengen baǵamen jetkizedi.

Negizgi óndirýshiler kómirdi qandaı baǵamen satady?

Ulttyq statıstıka bıýrosynyń derekterine sáıkes, kómir óndirýshi kásiporyndardyń, onyń ishinde «Shubarkól Kómir» AQ, «Qarajyra» AQ, «Maıkýben-Vest» JShS, «Bogatyr Kómir» JShS-nyń ortasha baǵasy tonnasyna 5 600 teńgeni quraıdy.

«Oǵan qosa taýar bırjasynda kómirdi satý kezinde baǵa dálizi belgilenedi. Onda kómir satýǵa arnalǵan ótinim baǵasy bazalyq baǵadan 98% tómen jáne 102% joǵary bolmaýy tıis. Osylaısha, baǵanyń naryqtaǵy aýytqý tetigi (baǵanyń ósýi jáne tómendeýi) kózdeledi jáne satyp alýshylardyń suranysy eskeriledi.

Mysaly, kómirge suranystyń bolmaýyna baılanysty «Sat-Kómir« JShS men «Kýznetskıı razrezi« JShS ónimderin satpaǵan», - dedi mınıstrlikten.

Nelikten kómir óndirýshi kompanııalarda baǵalar ártúrli?

«Kómir óndirýdiń ózindik quny ár kásiporynda ártúrli. Óndirýdiń ózindik qunyna ken ornynyń taý-ken geologııalyq jaǵdaılary, óndirý tehnologııasy, mehanıkalandyrý kesheni, ıgerý júıesi jáne basqa da faktorlar áser etedi.

Sondaı-aq, jabdyqqa, elektr energııasyna, otynǵa, áleýmettik mindettemelerge ketetin jáne ózge de shyǵystar kómir óndirýdiń qunyna kiredi», - dep túsindirdi vedomstvodan.

Nelikten óńirlerde kómir baǵasy aıtarlyqtaı joǵary?

Kómirdiń bólshek saýdadaǵy baǵasy ony satý, aımaqqa jetkizý, jalǵa alý qunyna, temirjol tuıyqtaryna, qyzmetkerler jumysyna, kómirdi túsirýge jáne tıeýge arnalǵan tehnıkaǵa ketetin, sondaı-aq kompanııalardyń saýdalyq ústeme baǵasyna baılanysty qalyptasady.

«Kómirge baǵanyń ósýine tonnasyn 25 myń teńgege deıin kótergen jergilikti jerlerdegi «alypsatarlar« áser etip otyr. Temirjol tuıyqtaryndaǵy kómirdiń ortasha baǵasy tonnasyna 13 myń teńge (Nur-Sultan qalasy)», - dedi QR IIDM-nan.

Bıyl qandaı sebepterge baılanysty kómir tapshylyǵy týyndady?

Mınıstrlik málimetinshe, elimizde kómir tapshylyǵy joq jáne bolmaýy tıis.

«Jylý berý maýsymyna daıyndyq protsestiń árbir qatysýshysynyń óz quzyreti sheńberinde naqty jáne úılesimdi jumysyn talap etedi.

Kómir kásiporyndary kómirdiń qajetti kólemin óndirýge, al temirjolshylar kómirdi óńirlerge der kezinde tasymaldaýǵa jaýapty.

Jergilikti atqarýshy organdar tutyný kólemin josparlaýǵa, kómir satyp alýǵa arnalǵan tenderlerdi ýaqytyly ótkizýge, sondaı-aq óz óńirindegi kómir qorlaryn baqylaýǵa mindetti», - dep naqtylady vedomstvodan.

QR IIDM jergilikti atqarýshy organdardyń ótinimderine sáıkes kómir óndirý jáne ony óńirlerge jetkizýdi qadaǵalaıdy.

Elimizdiń kómir óndirýshi kompanııalary 2021 jyldyń 10 aıynda 89,3 mln tonna kómir óndirdi. Bul ótken jyldyń sáıkes kezeńimen salystyrǵanda 101,4% (10 aı ishinde. 2020 jyly – 88,1 mln tonna).

Energııa óndirýshi jáne ónerkásiptik kásiporyndardyń ótinimderin, sondaı-aq kommýnaldyq-turmystyq qajettilikter men turǵyndar úshin kómir jetkizýge ótinimderdi oryndaýda kidiris joq.

QR IIDM kómirge degen tapshylyq pen dúrlikpe suranysty azaıtý úshin ne istep jatyr?

Qyrkúıek aıynda aýa raıynyń kúrt sýytýyna baılanysty elimizdiń ortalyq jáne soltústik aımaqtarynda kómirge suranys artty.

Sonymen qatar, «Qazaqstan temir joly» UK« AQ kúzgi-qysqy kezeńde kómirdi tıep jóneltýge degen ótinimderdiń artýyna oraı júk jóneltýshilerge jyljymaly quramdy ýaqytyly berý úshin «Qaztemirtrans« AQ 16 myńnan astam vagonmen qamtamasyz etti.

Kómirdi satý kezinde halyq arasynda qolaısyz jaǵdaılar týǵyzbaý úshin mınıstrlik kómir óndirýshi kásiporyndarmen jáne «Qazaqstan temir joly« UK» AQ-men birlesip, jylý berý maýsymynyń basynda ákimdikterge kommýnaldyq-turmystyq kómir qoryn aldyn ala shoǵyrlandyrý týraly usynys berdi.

Ákimdikterdiń málimetterine sáıkes, 2021 jylǵy 22 qarashadaǵy jaǵdaı boıynsha jalpy josparǵa qatysty (2021 jylǵy 1 mamyrdan bastap 2022 jylǵy sáýirge deıin) kómir qorymen qamtamasyz etý kólemi: kommýnaldyq-turmystyq sektor úshin - 97,4%, turǵyndar úshin - 93,9% qurady.

2021 jylǵy 6 qarashada mınıstrlikte ákimdikterdiń, kómir óndirýshi kásiporyndardyń jáne «Qazaqstan temir joly» UK« AQ ókilderiniń qatysýymen halyqty kómirmen qosymsha qamtamasyz etý máselesi qaraldy. Bul másele boıynsha keńester mınıstrlikte turaqty túrde ótkiziledi.

«Nátıjesinde óńirlerge kómir jóneltý kólemin ulǵaıtý týraly sheshim qabyldandy.

Halyqty jáne kommýnaldyq-turmystyq sektordy kómirmen tolyq qamtamasyz etý jónindegi jumys turaqty baqylaýda», - dedi QR IIDM-nan.


Joǵary qaraı