Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Kommertsııalyq emes uıymdar qyzmetiniń quqyqtyq retteý máselelerin qazaqstandyq jáne halyqaralyq ÚEU talqylady

2021 jyldyń 24 qyrkúıek 2021 18:49

NUR-SULTAN. QazAqparat - Búgin Nur-Sultanda Aqparat jáne qoǵamdyq damý mınıstrligimen birlesip, birqatar qazaqstandyq jáne halyqaralyq ÚEU: USAID, Amerıkalyq zańgerler qaýymdastyǵy (ABA ROLI), Adam quqyqtary jáne zańdylyqty saqtaý jónindegi Qazaqstan halyqaralyq bıýrosy jáne t.b. qatysýymen «Kommertsııalyq emes uıymdardyń qyzmetin quqyqtyq retteýdiń tujyrymdamalyq máseleleri» atty dóńgelek ústel ótti.

Іs-sharaǵa QR AQDM Azamattyq qoǵam isteri komıtetiniń tóraǵasy Madııar Qojahmet qatysty. Ol QR Aqparat jáne qoǵamdyq damý mınıstrligi azamattyq qoǵam ókilderimen birlesip, kommertsııalyq emes uıymdar qyzmetiniń quqyqtyq retteý máseleleri boıynsha zańnamany jetildirýdi retteý saıasatynyń konsýltatıvtik qujatyn ázirlep jatqanyn atap ótti.

Bul jumys Memleket basshysynyń tapsyrmalaryn oryndaý aıasynda júrgizilip jatqanyn atap ótti.

Kommertsııalyq emes uıymdar týraly zańnamany, atap aıtqanda tujyrymdamalyq apparatqa, uıymdyq-quqyqtyq nysandarǵa, memlekettik tirkeýge, salyq salýǵa, Úkimetpen ózara is-qımyl mehanızmderine qatysty máselelerdi jetildirý usynylady.




Qazirgi ýaqytta zań jobasy zań shyǵarý jumysynyń 2026 jylǵa deıingi tujyrymdamalyq josparyna engizildi (QR Parlamentiniń jetinshi shaqyrylymy). Zań 2023 jyldyń birinshi jartyjyldyǵynda qabyldanbaq.

Qatysýshylar atalǵan qujat boıynsha oılarymen bólisip, kommertsııalyq emes uıymdarǵa qatysty retteýshi saıasattyń konsýltatıvtik qujatynyń jobasyn jetildirýine qatysty óz usynymdaryn berdi.





Basty sózder: Basqa memorgandar, Qoǵam,
Joǵary qaraı