Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Konstıtýtsııaǵa engiziletin ózgeris saıası reformalardy jedeldetedi – Atyraý óńirlik shtabynyń jetekshisi

2022 jyldyń 13 mamyr 2022 00:21

ATYRAÝ. QazAqparat – Konstıtýtsııaǵa engiziletin ózgerister men tolyqtyrýlar qazaqstandyqtardyń kókeıinde júrgen saıası reformalardy júzege asyrýdy jedeldetedi. Bul týraly Referendýmdy qoǵamdyq qoldaý jónindegi Atyraý óńirlik shtabynyń jetekshisi Gúlzada Shakýlıkova aıtty, dep habarlaıdy QazAqparat tilshisi.

«Ata Zań – Azattyǵymyzdyń basty qundylyǵy. Osy oraıda táýelsizdik alǵannan beri álemdik órkenıette óz ornyn aıshyqtaǵan táýelsiz memleketimizdi odan demokratııalyq jolmen órkendetý úshin burynǵy quqyqtyq júıeni zaman talabyna saı jańartýdyń mańyzy zor. Jaqynda Memleket basshysy elimizdiń qoǵamdyq-saıası damýyn oń úrdiske bastaıtyn mańyzdy sheshim qabyldap, el Konstıtýtsııasyna ózgerister men tolyqtyrýlar engizýdi josparlady. Osyǵan baılanysty 5 maýsymda referendým ótkizý jóninde Jarlyqqa qol qoıdy. Bul referendým jańa saıası reformalardy júzege asyrýǵa múmkindik beredi», -deıdi óńirlik shtabtyń jetekshisi Gúlzada Shakýlıkova.

Onyń aıtýynsha, táýelsizdik jyldarynda el ómirinde oń ózgerister boldy. Elimizde birneshe jańa kásiporyn, birneshe jańa oqý orny ashyldy. Sondaı oqý ornynyń qatarynda S.Ótebaev atyndaǵy Atyraý munaı jáne gaz ýnıversıteti de bar. Qazir munda otandyq, sheteldik munaı-gaz ónerkásibine qajetti mamandardy daıarlaı bastady.

«Táýelsizdik jyldarynda elimizdiń qoǵamdyq-saıası damýynda ózgerister bolǵanyn jaqqa shyǵarmaımyz. Qazir ár salada jumys isteıtinderdiń qatarynda táýelsiz Qazaqstanda týǵan jastardyń shoǵyry kóbeıdi. Joǵary oqý oryndarynda sondaı jastardyń legi bilim alyp jatyr. Olar stýdenttik basqarmalar, volonterlik qyzmet, basqa da mańyzdy is-sharalar arqyly elimizdiń damýyna atsalysyp, zor jaýapkershilik júgin sezinip otyr. Sondaı jastardyń yntasynan elimizdi jańa jeńisterge jetelegisi keletinin ańǵarýǵa bolady», -deıdi Gúlzada Shakýlıkova.

Óńirlik shtab jetekshisi Prezıdenttiń keıbi ókilettigin Parlamentke, Úkimetke jáne jergilikti atqarýshy organdarǵa berý bastamasyna qoldaý bildirip otyr. Onyń pikirinshe, bul qoǵamǵa ózin-ózi basqarý arqyly óz taǵdyryna jaýapkershilik alýǵa múmkindik bermek.

«Bul – búgingi qoǵamnyń ár múshesi el úshin mańyzdy qadam. Máselen, majorıtaldy saılaý júıesi Parlamenttiń tómengi palatasynda okrýgterdiń tikeleı ókilderiniń rólin jáne partııada joq kandıdattardyń qatysýy úlesin arttyrady. Demek, depýtattar belsendiligi arta túsedi. Al, bilim berý mekemeleri stýdentterdiń ózin-ózi basqarý daǵdylaryn damytýǵa, syndarly debattar men stýdenttik basqarý arqyly jańasha oılaýdy qalyptastyrýǵa kóńil bólýi kerek. Mine, osyndaı ózgeristerdi jatsynbaǵan jón. Prezıdent Qasym-Jomart Toqaevtyń sýperprezıdenttik basqarý modelinen Parlament pen máslıhattardyń roli kúsheıgen saıası júıege kóshý, demokratııalyq protsester qarqynyn údetý, eldegi birlik pen yntymaqty arttyrý bastamasy qoldaýǵa laıyq. Mine, sol sebepten, barshamyzdyń aldymyzda jańa jáne ádiletti Qazaqstan qurý jolynda azamattardyń múddesi men quqyǵyn qorǵaý, saıası júıeni, ákimshilik-aýmaqtyq qurylymdy ózgertý, jańa ekonomıkany qalyptastyrý sekildi birqatar mańyzdy mindetter tur. Sol sebepten, Memleket basshysynyń saıası jańǵyrý baǵytyndaǵy bastamalaryna qoldaý kórsetý – eldigimizdiń belgisi», -deıdi Gúlzada Shakýlıkova.

Eske sala ketelik, buǵan deıin atyraýlyq ǵalym Abaı, Ulytaý, Jetisý oblystarynyń qurylatyny – tarıhı ádilettiliktiń ornaýy dep pikir bildirgen bolatyn.

Sýret: aogu.edu.kz
Joǵary qaraı