Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Konstıtýtsııalyq Keńeske Tuńǵysh Prezıdenttiń mártebesine qatysty normany alyp tastaý usynyldy – Erlan Qarın

2022 jyldyń 4 mamyr 2022 20:25

NUR-SULTAN. QazAqparat – Konstıtýtsııalyq Keńeske Tuńǵysh Prezıdent Nursultan Nazarbaevtyń el tarıhyndaǵy róli týraly mártebe beretin normany Konstıtýtsııadan alyp tastaý jóninde ótinim joldandy, dep habarlaıdy QazAqparat.

Bul týraly QR Memlekettik hatshysy Erlan Qarın telegram kanalynda jazdy.

«Búgin Konstıtýtsııalyq Keńes el Konstıtýtsııasyna túzetýler engizý jobasyn jaqtaıtyn qorytyndy shyǵardy. Bul Konstıtýtsııalyq reformany iske asyrýdyń eń mańyzdy, el men ult bolashaǵynda máni zor kezeńderiniń biri. Konstıtýtsııalyq reforma bılik tarmaqtarynyń arasyndaǵy teńgerimdi ońtaılandyryp, halyqtyń memleketti basqarýǵa qatysý múmkindigin keńeıtedi jáne azamattardyń konstıtýtsııalyq quqyqtarynyń qorǵalýyn kúsheıtedi. Sondaı-aq jumys tobynyń keıbir músheleriniń pikirin eskere otyryp, Konstıtýtsııalyq Keńeske Tuńǵysh Prezıdenttiń mártebesine qatysy bar normany alyp tastaý týraly qosymsha ótinim joldandy. Jumys toby músheleriniń pikiri boıynsha, Tuńǵysh Prezıdenttiń tarıhı róli jalpyǵa málim jáne ony Konstıtýtsııada jekelep bekitý qajet etpeıdi», - dep jazdy ol.

Memleketik hatshynyń jazbasyna qaraǵanda, Konstıtýtsııalyq Keńestiń engiziletin túzetýler jobasyna qarsylyǵy joq.

«Konstıtýtsııalyq Keńes túzetýlerdiń búkil tarmaqtary Konstıtýtsııaǵa saı degen qorytyndy berdi.

Konstıtýtsııalyq norma tutastaı memlekettik-saıası modeldi transformatsııalaýǵa baǵyttalǵan jáne qoǵam ıgiligi úshin júrgizilip jatyr», - dep tolyqtyrdy Erlan Qarın.

Buǵan deıin QR Parlamenti Májilisiniń tóraǵasy Erlan Qoshanov Tuńǵysh Prezıdent týraly Zań qashan kúshin joıatynyn aıtqan bolatyn.


Joǵary qaraı