Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Konstıtýtsııalyq reforma alǵash ret halyqtyń tikeleı daýys berýi arqyly ótkeli otyr – Qarın

2022 jyldyń 29 sáýir 2022 17:50

NUR-SULTAN. QazAqparat – QR Memlekettik hatshysy Erlan Qarın Prezıdenttiń konstıtýtsııalyq reformaǵa qatysty respýblıkalyq referendým ótkizý týraly bastamasynyń mańyzdy tustaryn atady, dep habarlaıdy QazAqparat tilshisi.

«Qazaqstan halqy Assambleıasynyń sessııanda sóılegen sózinde Memleket basshysy Konstıtýtsııaǵa engiziletin ózgerister men túzetýler jobasyn respýblıkalyq referendýmǵa shyǵarýdy usyndy.

Sońǵy ret referendým mehanızmi 1995 jyly qazirgi Konstıtýtsııany qabyldaǵan kezde qoldanylǵan edi. Konstıtýtsııaǵa engizilgen aldyńǵy tórt túzetýdiń bári Parlamentte daýysqa salý arqyly ótkenin aıtý kerek.

Bul jolǵy konstıtýtsııalyq reforma alǵash ret halyqtyń tikeleı daýys berýi arqyly ótkeli otyr. ıAǵnı, jalpyulttyq sıpaty bar», - dep jazdy ol Telegram kanalynda.

Erlan Qarınniń paıymynsha, alda ótetin konstıtýtsııalyq reforma bılik tarmaqtarynyń arasyndaǵy qarym-qatynas teńgerimin ońtaılandyryp, halyqtyń eldi basqarýǵa qatysý múmkindigin keńeıtedi.

Sol arqyly azamattardyń konstıtýtsııalyq quqyǵynyń qorǵalýyn kúsheıtedi.

«Bul memlekettik modeldi júıeli transformatsııalaıdy. Sondyqtan referendým eski modelden birjola ketip, saıası júıeni qaıta júkteý úshin qajet», - dep jazdy Memlekettik hatshy.

Buǵan deıin Erlan Qarın eldegi konstıtýtsııalyq reformanyń 5 negizgi baǵytyn ataǵan bolatyn.

Eske sala keteıik, Memleket basshysy Qasym-Jomart Toqaev Ata zańǵa ózgerister men tolyqtyrýlar engizý jóninde respýblıkalyq referendým ótkizýdi usyndy.

Joǵary qaraı