Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Kóp jaǵdaıda «úıdiń janyndaǵy dúkender» baǵany negizsiz kóteredi - agenttik

2022 jyldyń 18 qańtar 2022 11:06

NUR-SULTAN. QazAqparat – Taýarlardyń baǵasyn bólshek saýda sýbektileri, ıaǵnı «úıdiń janyndaǵy dúkender» kóteredi. Bul týraly Úkimet otyrysynda Básekelestikti qorǵaý jáne damytý agenttiginiń tóraǵasy Serik Jumanǵarın aıtty, dep habarlaıdy QazAqparat tilshisi.

«Tutyný taýarlary men qyzmetteriniń baǵasyn kóterý faktilerin jedel anyqtaý jáne jolyn kesý maqsatynda habarlamalar qabyldaý úshin jedel jeli quryldy. Búgingi tańda Agenttiktiń senim telefonyna 2000-nan astam ótinish kelip tústi. Onyń ishinde habarlamalardyń 50% - y Almaty qalasynyń turǵyndarynan, 30%-y elordamyzdan, 20% - y basqa óńirlerden kelip tústi», - dedi S. Jumanǵarın.

Onyń aıtýynsha, 70 paıyz jaǵdaıda áleýmettik mańyzy bar azyq-túlik taýarlaryna baǵany asyrý faktilerine qatysty.

«Kóp jaǵdaıda taýarlardyń baǵasyn bólshek saýda sýbektileri kóteredi, atap aıtqanda «úıdiń janyndaǵy dúkender». Osy dúkender kóbine 15 %-dyq saýda ústemesin saqtamaıdy. Nátıjesinde, monopolııaǵa qarsy organ kelip túsken shaǵymdar boıynsha óz quzyreti aıasynda sharalar qabyldaıdy. Úıdiń janyndaǵy bólshek saýda dúkenderindegi baǵanyń ósýi jónindegi shaǵymdar jergilikti atqarýshy organdarǵa joldanady. Basqa shaǵymdar quzyreti boıynsha ýákiletti organdarǵa joldanady», - dedi agenttik basshysy.

Onyń paıymynsha, osyǵan baılanysty «Saýda qyzmetin retteý týraly» QR Zańynyń 9-babynyń 1-tarmaǵyna sáıkes jergilikti atqarýshy organdar tarapynan saýdaǵa baqylaý-qadaǵalaý fýnktsııalaryn kúsheıtý qajet.


Joǵary qaraı