Aýa raıy
Astana -6 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Kópbalaly otbasylar tarapynan bıznes kýrstarǵa suranys artty – Lázzat Qojahmetova

2020 jyldyń 22 qazan 2020 14:39

NUR-SULTAN. QazAqparat – Kópbalaly otbasylar tarapynan bıznes kýrstarǵa degen suranys artty. Ulttyq qoǵamdyq senim keńesiniń tórtinshi otyrysynda keńes múshesi Lázzat Qojahmetova málim etti, dep habarlaıdy QazAqparat tilshisi.

«Barlyq aımaqtarda memlekettik tapsyryspen kópbalaly analardy qoldaıtyn «Baqytty otbasy» jáne «Januıa» degen ortalyqtar ashyldy. Bul ortalyqtar tek konsýltatsııa berý deńgeıinde qalyp otyr. Qazir konsýltatsııany ákimder de, basqarma basshylary da, mınıstrlerde de tikeleı efırge shyǵyp, ózderi berip otyr. ıAǵnı, bul ortalyqtardyń jumysyn keleshekte qaıtadan qarastyrýdy suraımyz», - dedi L. Qojahmetova.

Onyń sózine qaraǵanda, kópbalaly otbasylarǵa kásipkerlik negizderin úıretetin «Atameken» palatasynda «Bastaý Bıznes» kýrstary bar. Bıyl bul kýrstarǵa óte kóp suranys boldy. Biraq tamyz aıynda bul kýrstarǵa qabyldaý toqtap qaldy. Osy oraıda atalǵan kýrstarǵa baılanysty oryn sanyn kóbeıtý usynysy jasaldy.

«Oqyǵan adamda kásipker bolýǵa, masyldyqtan arylýǵa, ataýly áleýmettik kómek pen járdemaqylardan bas tartýǵa degen qulshynys ári yntalaný paıda bolady. Bul kýrstardy oqytqan kezde «Atameken» palatasynyń bıznestegi qazaqsha tili óte aýyr. Sondyqtan osy jaǵyna jáne testilerge nazar aýdarsa deımiz», - dedi ol.

L. Qojahmetovanyń paıymynsha, kópbalaly otbasylarǵa beriletin qaıtarymsyz granttardyń kóbeıtý kerek.


Joǵary qaraı