Aýa raıy
Astana -11 °S
Almaty -2 °S
valıýta baǵamy
USD 421.58
EUR 496.83
RUB 5.53
CNY 62.20

Kópirden sekirgen áıeldi qutqarǵan áskerı qyzmetshini BQO ákimi qabyldady

2020 jyldyń 28 qazan 2020 01:20

ORAL. QazAqparat – Batys Qazaqstan oblysynyń ákimi Ǵalı Esqalıev kópirden sekirgen áıeldi qutqarǵan QR Ulttyq ulany «Batys» óńirlik qolbasshylyǵyna qarasty 5517-áskerı bólim qyzmetkeri, aǵa serjant Asqar Nurǵalıevti qabyldady, dep habarlaıdy QazAqparat tilshisi.

Óńir basshysy A.Nurǵalıevtiń erlik jasaǵanyn atap kórsetip, alǵyshat pen baǵaly syılyq tabys etti.

«Siz óz ómirińizge qaýip tónip tursa da, batyldyqtyń úlgisin kórsetip, áıeldi qutqaryp qaldyńyz. Bul oqys oqıǵaǵa ushyraǵan janǵa nemquraıly qaramaıtynyńyzdy, belsendi azamattyq ustanymyńyzdy áıgileıdi. Muny erlik dep eseptemeseńiz de, buǵan kez kelgen adamnyń batyly jetpes edi. Bul – kásibı qyzmet qana emes, izgi ata-ana tárbıesiniń de jemisi», dedi óńir basshysy.

«Men sol sátte eshteńe oılaǵan joqpyn. Tek qutqarý kerek boldy. Onyń qara kúrtesi de aýyr eken, soǵan qaramastan, qatty aǵyspen kúrese otyryp, áıeldi jaǵaǵa shyǵardym», dedi aǵa serjant A.Nurǵalıev.





QR Ulttyq ulany «Batys» óńirlik qolbasshylyǵy baspasóz qyzmetiniń bastyǵy, podpolkovnık Erbolat Sultanovtyń aıtýynsha, Asqar Nurǵalıev sol kúni óz avtokóligimen kezekshilikten qaıtyp kele jatqan. Shaǵan ózenindegi kópirden áıeldiń sekirgenin kórgen boıda avtokóligin toqtatyp, tez sheshinip, sýǵa sekirgen. Eger sál keshikkende, qutqarý múmkin bolmas edi.

Bókeı ordasy aýdany Bısen aýylynda dáriger otbasynda týyp-ósken Asqar Nurǵalıev Ulttyq ulanda 2015 jyldan beri qyzmet etedi, tórt balanyń ákesi.

Eske sala keteıik, oqıǵa 26 qazan kúni Oral qalasynda boldy. 32 jastaǵy áıel Shaǵan ózeninen ótetin kópirden sekirip ketken edi.


Avtor Eljan Eraly
Basty sózder: Aımaq, Batys Qazaqstan oblysy, Oqıǵa,
Joǵary qaraı