Aýa raıy
Astana -17 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Qorǵanys mınıstriniń tsıfrlandyrý jónindegi orynbasary qyzmeti engiziledi

2020 jyldyń 19 qarasha 2020 18:09

NUR-SULTAN. QazAqparat – Qorǵanys mınıstriniń tsıfrlandyrý jónindegi orynbasary qyzmeti engiziledi. Mınıstrliktiń keńeıtilgen alqa májilisine qatysqan QR Prezıdenti Qasym-Jomart Toqaev osyndaı sheshim qabyldady, dep habarlaıdy QazAqparat.

Prezıdent qazaqstandyq armııanyń eń ozyq tsıfrlyq tehnologııalarmen jáne quraldarmen jabdyqtaýdyń mańyzdy ekenin eskertti. Bul máseleni sheshý úshin Memleket basshysy Qorǵanys mınıstriniń tsıfrlandyrý jónindegi orynbasary qyzmetin engizý týraly sheshim qabyldady. Budan bólek Qasym-Jomart Toqaev 2021 jyldyń 1 qarashasyna deıin Áskerı baǵyttaǵy birtutas aqparattyq-kommýnıkatsııalyq ınfraqurylym operatoryn qurýdy tapsyrdy.

Memleket basshysy áskerı qurylymdardy qazirgi syn-qaterlerdi eskere otyryp zamanaýı qarý-jaraqpen qamtamasyz etýdiń birqatar basymdyǵyn atady. Prezıdent áýe qorǵanysyn kúsheıtý, ásker túrleriniń radoıoelektrondy kúres elementterin damytý, áskerdiń jedel áreket etý áleýetin kóterý maqsatynda áskerı-transporttyq avıatsııa parkin arttyrý baǵyttaryna basymdyq berdi.

Eske sala ketsek, Memleket basshysynyń tóraǵalyǵymen Qorǵanys mınıstrliginiń keńeıtilgen alqa májilisi ótti.


Joǵary qaraı