Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qorǵanys mınıstrligi Aqtaýdaǵy ózimen-ózi sóılesetin sarbazǵa qatysty túsinik berdi

2022 jyldyń 19 mamyr 2022 10:10

NUR-SULTAN. QazAqparat - Aqtaýdaǵy áskerı bólimde merzimdi boryshyn ótep júrgen sarbaz aınalada bolyp jatqan oqıǵalarǵa túsiniksiz reaktsııa tanytyp, ózimen-ózi sóılesken. Bul týraly QR Qorǵanys mınıstrliginiń baspasóz qyzmeti habarlady.

«Aqtaý qalasyndaǵy áskerı bólimderdiń birinde merzimdi qyzmetin atqaryp júrgen sarbazdyń psıhıkasynyń buzylýy jaıly áleýmettik jelide aqparat tarady. 2022 jylǵy 18 mamyrda saǵat 12:00-de bólim basshylyǵy 25744 áskerı bóliminde boryshyn ótep júrgen qatardaǵy jaýynger A. aınalada bolyp jatqan oqıǵalarǵa túsiniksiz reaktsııa kórsetkenin, ózimen-ózi sóılesip júrgenin baıqady. Osy týraly sarbazdyń ata-anasyna aıtyldy» delingen relızde.

Vedomstvo málimetinshe, sarbazdy medıtsınalyq tekserýden ótkizý úshin oblystyq aýrýhanaǵa aparǵan. Tekserý nátıjesinde (MRT, mıdyń KT) dene jaraqattary men qaýipti patologııalar anyqtalǵan joq. 19 mamyrda mamandar qaıta tekserý júrgizýdi josparlap otyr.
Sondaı-aq, QR QM baspasóz qyzmeti bul sarbazdyń áskerge kúshpen ákelingeni týraly málimetke qatysty túsinik berdi.

«Sarbazdy aýdandyq qorǵanys isteri bólimine májbúrlep ákeldi delingen aqparat naqty emes. 2022 jylǵy 4 mamyrda áskerge shaqyrylǵan A-ǵa belgilengen tártippen shaqyrý qaǵazy berildi. 11 mamyrda ol shaqyrý pýnktine keldi. Sol jerde oǵan jáne onyń týysqandaryna azamattyń basqa garnızonǵa barmaı-aq, Aqtaý qalasynda qyzmet ótkeretini málimdelgen bolatyn. Budan keıin áskerge shaqyrylýshy retinde A. Qarýly kúshterdiń qatarynda qyzmet etýge ótinish bildirdi. Medıtsınalyq tekserýden ótkende densaýlyǵyna eshqandaı shaǵym jasaǵan joq» delingen túsindirmede .

Qazir oqıǵaǵa qatysty áskerı polıtsııa tekserý júrgizýde.


Basty sózder: Mańǵystaý oblysy, Oqıǵa, Ásker,
Joǵary qaraı