Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qorǵasta taýar jetkizýshiler tekserilýde - komıtet

2022 jyldyń 21 qańtar 2022 17:32

NUR-SULTAN. QazAqparat – Qytaımen shekaradaǵy taýar aınalymy týraly derekterdiń alshaqtyǵyn joıý úshin kóterme saýda taýarlaryn jetkizýshilerdiń ústinen tekserý bastaldy, dep habarlaıdy QazAqparat tilshisi.

Bul týraly ortalyq kommýnıkatsııalar qyzmetinde ótken brıfıngide Memlekettik kirister komıteti tóraǵasynyń orynbasary Qaırat Mııatov málim etti.

«Qytaı shekarasyndaǵy másele únemi kóteriledi. Prezıdenttiń tapsyrmasyna baılanysty jumys toby quryldy. Onyń quramyna Bas Prokýratýranyń, Qarjylyq monıtorıng agenttiginiń, Memlekettik kirister komıtetiniń ortalyq apparat ókilderi kirdi. Qazir olar Qytaı shekarasynda ókiletti ekonomıkalyq operatorlardyń ústinen tekserý júrgizip jatyr. Qalǵan qatysýshylardyń ústinen eshqandaı tekserý júrip jatqan joq. Shekaradaǵy búkil rásimder shtattyq rejımde orydalýda, eshqandaı keptelis joq», - dedi komıtet basshysynyń orynbasary.

Aıtýynsha, atalǵan jumys toby tek ókiletti ekonomıkalyq operatorlardy ǵana tekserý úshin shyqqan.

«Bul ózderi jeke sanatqa jatady. Olar iri bızneske kóterme saýda jetkizýdi oryndaıdy. Tekserýdiń qorytyndysy boıynsha Bas Prokýratýranyń Qarjylyq monıtorıng agentiginiń ókilderimen birge jeke esep beremiz. Qysqa ýaqyttyń ishinde qandaı da bir qorytyndy bar dep aıta almaımyz. Tolyqqandy qorytyndy esep túrinde shyǵarylady. Onyń tanystyrylymyna BAQ ókilderin de shaqyramyz dep oılaımyn», - dedi Qaırat Mııatov.


Joǵary qaraı