Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Koronavırýs: 500-ge jýyq qazaqstandyq shetelden PTR-anyqtamasyz ushyp keldi

2021 jyldyń 28 aqpan 2021 12:54

NUR-SULTAN. QazAqparat - 27 aqpanda Qazaqstan aýmaǵyna Germanııa, BAÁ, Mysyr, Túrkııa, Reseı, Belarýs, Ózbekstan jáne Qyrǵyzstannan 23 halyqaralyq áýe reısi ushyp keldi, dep habarlaıdy QazAqparat.

QR Densaýlyq saqtaý mınıstrligi Sanıtarııalyq-epıdemıologııalyq baqylaý komıtetinen málim etkendeı, ótken bir táýlikte elimizge barlyǵy 2 908 jolaýshy ushyp keldi. Olardyń 2435-inde koronavırýsqa PTR-testileýdiń teris nátıjesi bar anyqtama bolǵan. Qalǵan 473-i anyqtamasyz keldi, barlyǵy Qazaqstan azamattary.

Atap aıtqanda:

- Almaty qalasynyń áýejaıyna – 17 reıs, 2 058 jolaýshy, anyqtamamen - 1 793, anyqtamasyz - 265;

- Nur-Sultan qalasynyń áýejaıyna – 4 reıs, 473 jolaýshy, anyqtamamen - 415; anyqtamasyz - 58;

- Aqtóbe qalasynyń áýejaıyna – 1 reıs, 234 jolaýshy, anyqtamamen - 84; anyqtamasyz - 150;

- Shymkent qalasynyń áýejaıyna – 1 reıs, barlyq 143 jolaýshy anyqtamamen kelgen.

Anyqtamasy bolmaǵan Qazaqstan azamattary kelgen jerleri boıynsha COVID-19-ǵa PTR-taldaý ádisimen testilendi jáne karantındik statsıonarlarda óz nátıjelerin kútýde.

Sondaı-aq 26 aqpanda shetelden anyqtamasyz kelgen Qazaqstannyń 339 azamatynyń PTR-taldaý nátıjeleri shyqty. Jolaýshylardyń eshbirinde koronavırýs anyqtalǵan joq.



Joǵary qaraı