Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Koronavırýs: AQSh-ta vaktsınatsııadan ótpegen áskerı qyzmetshiler jumystan shyǵarylady

2021 jyldyń 17 qazan 2021 02:05

NUR-SULTAN. QazAqparat - AQSh-ta koronavırýsqa qarsy egilmegen áskerı qyzmetshiler jumystan shyǵarylady. Bul týraly Qazaqstanda COVID-19 taralýyna jol bermeý jónindegi vedomstvoaralyq komıssııanyń Telegram-kanalynda aıtyldy, dep habarlaıdy QazAqparat.

AQSh-ta 28 qarashaǵa deıin koronavırýsqa qarsy vaktsına almaǵan áskerı qyzmetshiler jumystan shyǵarylady. Áskerı-teńiz kúshteriniń rezervinde turǵandar da vaktsına alýǵa mindetti, olar úshin sońǵy merzim — 28 jeltoqsan. Qazirgi ýaqytta Amerıka qorǵanys vedomstvosynyń málimetinshe, áskerı-teńiz kúshteriniń 94% COVID-19 vaktsınatsııasynyń tolyq kýrsynan ótti.

Ýkraınada memlekettik mekemeler, mańyzdy salalardaǵy kásiporyndardyń qyzmetkerleri, áleýmettik qyzmetkerler men poshtashylar koronavırýsqa qarsy vaktsına alýy tıis. Eldiń Densaýlyq saqtaý mınıstrliginiń basshysy Vıktor Lıashko budan ári tizimge jergilikti ózin-ózi basqarý organdarynyń, kommýnaldyq kásiporyndardyń, mýnıtsıpaldyq mekemelerdiń qyzmetkerleri engizilýi múmkin ekenin aıtty.

Italııada jumys oryndaryna kirý úshin mindetti COVID-sertıfıkattary qoldanyla bastady. Green pass elektrondyq sertıfıkattaryn engizý týraly sheshim bir aı buryn maquldandy. Italııada azamattardyń 80,8% koronavırýsqa qarsy tolyǵymen egildi, al turǵyndardyń 85% astamy vaktsınanyń bir dozasyn aldy.


Joǵary qaraı