Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Koronavırýs: AQSh jańa vaktsınany qoldanýǵa ruqsat berdi

2021 jyldyń 28 aqpan 2021 11:21

VAShINGTON. QazAqparat – Amerıkanyń retteýshi organy Johnson & Johnson kompanııasy óndirgen koronavırýsqa qarsy bir komponentti vaktsınany qoldanýǵa ruqsat berdi. Vaktsınanyń alǵashqy partııasy 1 naýryz kúni jetkiziledi dep kútilýde. QazAqparat bul týraly BBC-ge silteme jasap habarlaıdy.

Johnson & Johnson preparatynyń tıimdiligi syrqattyń hali aýyr bolǵan jaǵdaıda 85% kórsetip otyr.

Osy aptada Azyq-túlik jáne medıtsınalyq preparattardyń sapasyn sanıtarlyq qadaǵalaý basqarmasynyń sarapshylary (FDA) atalmysh vaktsınanyń qaýipsizdigine qatysty qorytyndyny jarııalaǵan bolatyn. Olardyń baǵalaýynsha, koronavırýs jeńil túrde ótip jatqan naýqastarda preparattyń tıimdili – 66,1%, syrqattyń aýyr jaǵdaıynda 85% kórsetken.

Osylaısha, AQSh-ta koronavırýsqa qarsy úshinshi preparattyń qoldanysyna ruqsat berilip otyr - Pfizer/BioNTech, Moderna jáne Johnson & Johnson.

Buǵan deıin Johnson & Johnson kompanııasy Amerıka úkimetimen 100 mln doza vaktsınany jetkizý boıynsha 1 mlrd dollarǵa kelisim jasasqany habarlanǵan edi.


Joǵary qaraı