Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Koronavırýs: Aqtóbede karantın jeńildedi

2021 jyldyń 24 qazan 2021 15:15

AQTÓBE. QazAqparat - Aqtóbe oblysy 17-qazannan beri «jasyl» aımaqta. Búgin karantın shekteýi jeńildedi, dep habarlaıdy QazAqparat tilshisi.

Aqtóbede «Ashyq» jobasyna qatysýshy obektiler saǵat 03.00-ge deıin, «Ashyq» jobasynyń kóshbasshylary saǵat 05.00-ge deıin jumys isteı alady. Senbi jáne jeksenbi kúnderi qyzmetkerler men kelýshilerde «jasyl» mártebe bolǵan jaǵdaıda (vaktsınatsııalaý; synamalardy irikteý sátinen bastap 7 táýlikten aspaıtyn teris nátıjesi bar PTR testiń bolýy; KVI-ge qarsy vaktsınatsııalaýǵa turaqty medıtsınalyq qarsy kórsetilimderdiń bolýy nemese KVI-men aýyryp jazylǵan adamdar sońǵy 3 aı ishinde) obektilerdiń jumys isteýine jol beriledi. Ulttyq quramalar, klýbtyq komandalar úshin sporttyq jattyǵýlarǵa (30 adamnan artyq emes, denemen janaspaıtyn ádispen dene qyzýyn ólsheý, sport bazalarynda turý) ruqsat etildi. Sportshylar men jattyqtyrýshylar quramy COVID-19-ǵa qarsy vaktsınatsııalaýdyń tolyq kýrsyn alǵany týraly qujattamalyq rastaý usynǵan jaǵdaıda oblystyq komandalardy daıyndaý úshin oqý-jattyǵý jıyndaryn ótkize alady. Aqtóbe oblystyq sanıtarııalyq-epıdemıologııalyq baqylaý departamenti baspasóz qyzmetiniń habarlaýynsha, sadaqaǵa 50 adamnan, al meıramhanada toı jasaǵanda adam sany 70-ten aspaýy tıis.


Joǵary qaraı