Aýa raıy
Astana -12 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Koronavırýs: Almaty oblysynda dárilik zattardyń eki aılyq qory bar

2020 jyldyń 20 qazan 2020 12:48

TALDYQORǴAN. QazAqparat - Almaty oblysynda jeke qorǵaný quraldarynyń úsh aılyq qory, dárilik zattardyń eki aılyq qory bar. Bul týraly QazAqparat tilshisi ákimdikke silteme jasap habarlaıdy.

«Almaty oblysynda jalpy pandemııamen kúreske jergilikti bıýdjetten 13 mlrd teńge bólindi, onyń 8,1 mlrd teńgesiekinshi tolqynǵa daıyndyq úshin bólingen. Oblystyń medıtsına mekemelerindejeke qorǵaný quraldarynyń úsh aılyq qory, dárilik zattardyń eki aılyq qory bar», - dedi Almaty oblysy ákimdiginiń baspasóz qyzmeti.

Oblystyq densaýlyq saqtaý basqarmasynyń málimetinshe, óńirdegi densaýlyq saqtaý mekemelerindejeke qorǵaný quraldarynyń úsh aılyq qory, atap aıtqanda 6,2 mln betperde, 2,5 mln qolǵap, 74,6 myń bir ret qoldanylatyn qorǵanysh kostıýmderiniń jıyntyǵy bar. Al dárilik zattardyń eki aılyq qory qalyptastyrylǵan, naqtylap aıtsaq, statsıonarlarda 1,4 mlrd teńgege 204 túrli dári, ambýlatorııalarda 101 mln teńgege 5 túrli dári qory bar.

Turaqtandyrý qorynaqosymsha 800 mln. teńge bólinip, qarjy kólemi 1,3 mlrd.teńgeni qurady.500 mln. teńgege dárilik zattardyń 30 túrin satyp alýǵa «INKAR» JShSbiryńǵaı dıstrebıýterimen kelisim shart jasalǵan. Sondaı-aq, «SK Farmatsııa» arqyly dárihanalar úshin 33 túrli dárige 63 mln teńgege ótinim berildi, 1 mln betperde satyp alyndy. Bul rette halyqtyń áleýmettik osal toptary da nazardan tys qalǵan joq. Olar úshin jergilikti bıýdjet esebinen 92 mln.teńgege vırýsqa qarsy preparattardyń 4 túri satyp alyndy.

Oblysta jeke qorǵaný quraldary óndirisi jolǵa qoıylǵan. Maska tigýge 5 tigin kásiporny beıimdeldi, Taldyqorǵan qalasynda maska tigetin úsh qabatty tseh jumys isteıdi. Jalpy táýligine barlyǵy 250 myńnan astam betperde shyǵarylady. Oblys dárihanalarynda satylatyn maskanyń bólshek saýdadaǵy ortasha baǵasy 40 teńgeni qurap otyr.


Joǵary qaraı