Aýa raıy
Astana -14 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Koronavırýs: BQO-nyń medıtsına qyzmetkerlerine 2,8 mlrd astam teńge tólendi

2020 jyldyń 20 qazan 2020 15:38

ORAL. QazAqparat – Batys Qazaqstan oblysynda COVID-19 indetimen kúresken medıtsına qyzmetkerlerine 2,8 mıllıardtan astam teńge tólendi, dep habarlaıdy QazAqparat tilshisi.

BQO Densaýlyq saqtaý basqarmasynan málim etkenindeı, epıdemıologııalyq sharalarǵa atsalysqan jáne naýqastarmen jumys istegen qyzmetkerlerge áleýmettik tólemaqy jáne ústemeaqy tóleý jalǵasýda.

Kúni búginge deıin 687 qyzmetkerge qatysty materıaldy komıssııa qarap, sonyń 480-i qoldaý tapty. 478 adam ózderine tıesili qarajatty aldy. Ekeýiniń aryzy Memlekettik áleýmettik saqtandyrý qorynda qaralý ústinde.

Al 207 medıtsına qyzmetkeriniń ótinishi qanaǵattandyrylmady. Negizgi sebepteri: olardyń koronavırýsqa qarsy sharalarǵa qatyspaýy, jumys kezeńiniń indettiń taralý ýaqytymen sáıkes kelmeýi, dertti juqtyrýǵa sebep bolǵan sanıtarlyq-epıdemıologııalyq talaptardy saqtamaýy.

Óńirde indet juqtyrǵan 4 medıtsına qyzmetkeri kóz jumdy. Olardyń otbasylaryna tıisti qarjy tolyqtaı tólendi.

Bıylǵy naýryz-qyrkúıek aralyǵynda oblysta 1490 dáriger, 5480 orta býyn, 1962 kishi býyn qyzmetkeri, 973 jedel járdem júrgizýshisine barlyǵy 2 817,7 mln teńge tólendi.

Eske sala keteıik, budan buryn maska taǵyp júrý - indetten qorǵanýǵa járdemdesetinin jazǵan bolatynbyz.


Joǵary qaraı