Aýa raıy
Astana -20 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Koronavırýs elimizdiń otyn-energetıka keshenine qalaı áser etti

2020 jyldyń 24 qarasha 2020 17:10

NUR-SULTAN. QazAqparat – QR Energetıka mınıstri Nurlan Noǵaev otyn-energetıka keshenine koronavırýstyń áseri jaıynda aıtyp berdi, dep habarlaıdy QazAqparat tilshisi.

«Álemdi jaılaǵan koronavırýs indetiniń otyn-energetıka keshenine áseri jóninde toqtalmaqpyn. Bul indet bizdiń salaǵa da keri áserin tıgizdi. Osy saladaǵy 10 700 adam koronavırýsqa shaldyǵyp, 9 529 adam saýyǵyp ketti. Qazirgi kezde qalǵandary emdelip jatyr», - dedi mınıstr Ortalyq kommýnıkatsııalar qyzmetinde.

Taratylǵan málimetke qaraǵanda, munaı-gaz salasynda qyzmet etetin 9 123 adam, ýran salasynda – 990 adam, energetıka baǵytynda 682 adam indet juqtyrǵan.

Osy oraıda ol Úkimet basshysynyń tapsyrmasy boıynsha mınıstrlikte arnaıy shtab qurylǵanyn, onda bul saladaǵy barlyq kompanııalardaǵy kúndelikti aqparatqa sáıkes qajetti sheshimder qabyldanǵanyn jetkizdi.

«Memleket basshysynyń bergen tapsyrmasy aıasynda memlekettik komıssııanyń qabyldaǵan sheshimderin oryndaı otyryp, óz tarapymyzdan otyn-energetıka kesheniniń turaqty jumysyn jalǵastyrýǵa, azamattardyń jumystap shyǵyp qalmaýyna qatysty usynystardy engizdik. Osy oraıda oń nátıjege qol jetkizildi», - dedi N. Noǵaev.


Joǵary qaraı