Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Koronavırýs: Elordada epıdemıologııalyq ahýal kúrdelene túsýde

2022 jyldyń 17 qańtar 2022 15:53

NUR-SULTAN. QazAqparat - Elordada koronavırýs indetiniń tez taralýyna baılanysty epıdemıologııalyq jaǵdaı kúrdelene túsýde. Bul týraly Nur-Sultan qalasynyń bas memlekettik sanıtar dárigeri Sarhat Beısenova málim etti, dep habarlaıdy QazAqparat tilshisi.

S.Beısenovanyń málimetinshe, sońǵy táýlikte vırýsqa shaldyǵýdyń 4 639 jaǵdaıy zerthanalyq rastalǵan (sımptomdary bar – 3192, 1447 – sımptomsyz), ósim – 2,5 paıyzdy quraıdy.

Sońǵy aptada elordada COVID-19 boıynsha 31 789 jaǵdaı tirkeldi. Aýrýshańdyq aldyńǵy aptadan 5 ese joǵary (aldyńǵy apta – 4 476).

Qańtardyń 16 kúninde 36 347 derek anyqtaldy. Bul 2021 jylǵy jeltoqsanda tirkelgen 2 737 jaǵdaıdan 12 ese joǵary.

«Omıkron» koronavırýsynyń jańa shtamy vırýstyń basqa mýtatsııalaryna qaraǵanda tezirek taralady. Sol sebepti COVID-19-ben aýyryp shyqqandar jáne 2021 jyldyń naýryz-qyrkúıek aılarynda vaktsınalanǵan turǵyndar da ábden juqtyrýy múmkin. Qala boıynsha qazirgi ýaqytta 244 824 adam revaktsınatsııadan ótýi qajet (aqpan, naýryz, sáýir, mamyr, maýsym, shilde aılarynda vaktsınanyń tolyq kýrsyn alǵandar), olardyń 27 874-i nemese 11,3 paıyzy qaıta vaktsınalanǵan adamdar», - dedi Nur-Sultan qalasynyń bas memlekettik sanıtar dárigeri.

Esterińizge sala keteıik, búginde vırýstan qorǵanýdyń jalǵyz joly – ol SOVID-19-ǵa qarsy tolyq vaktsınatsııa jáne revaktsınatsııa. Qorǵanǵan adamdar ǵana «Omıkrondy» jeńil qabyldaıdy.

Osyǵan baılanysty Nur-Sultan qalasynyń Sanıtarııalyq-epıdemıologııalyq baqylaý departamenti epıdemıologııalyq qaýipsizdik sharalaryn saqtaý qajettigin eske salady. Sondaı-aq vaktsınatsııaǵa jáne revaktsınatsııaǵa shaqyrady. Ony astananyń emhanalary men «Abý Dabı Plaza», «Kerýen»,» Azııa Park», «Eýrazııa» SÚ jáne «Nurly jol» temirjol vokzaly sııaqty egý kabınetterinde yńǵaıly ári jyldam jasaýǵa bolady.


Joǵary qaraı