Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Koronavırýs: Erteńnen bastap qosymsha karantın sharalary engiziledi

2022 jyldyń 13 qańtar 2022 21:54

NUR-SULTAN. QazAqparat - Qazaqstan Respýblıkasynda «omıkron» jańa shtamynyń taralýyna, sondaı-aq KVI syrqattaný jaǵdaılarynyń kóbeıýine baılanysty koronavırýs ınfektsııasyna jol bermeý jónindegi vedomstvoaralyq komıssııanyń tapsyrmasy boıynsha 2022 jylǵy 14 qańtardan bastap qosymsha aldyn alý sharalary engiziledi. Bul týraly QazAqparat Densaýlyq saqtaý mınıstrligine silteme jasap habarlaıdy.

Osylaısha, Qazaqstan Respýblıkasynyń Bas memlekettik sanıtarııalyq dárigeriniń qaýlysymen saýda ortalyqtary, saýda úıleri jáne saýda jelilerinen basqa, jumys jáne demalys kúnderi sporttyq-saýyqtyrý jáne fıtnes-ortalyqtarǵa, ıoga-ortalyqtarǵa, basseınderge, saýnalarǵa, monshalarǵa (vaktsınatsııanyń, synamalar alynǵan sátten bastap 7 táýlikten aspaıtyn teris nátıjesi bar PTR testtiń bolýy, turaqty medıtsınalyq qarsy kórsetilimderi bar jáne sońǵy 3 aı ishinde jazylǵan adamdar) jumys rejımi boıynsha shekteýsiz kirý úshin «jasyl» qaýipsiz mártebesi bolýy tıis.

Qabyldanǵan sharalar Omıkron koronavırýsynyń taralý jáne berilý jyldamdyǵynyń joǵary deńgeıine baılanysty negizdelgen.
Aıta ketetin jáıt, ǵalymdar «Omıkron»-nyń joǵary juqpaly, taralý jáne berilý jyldamdyǵy «Delta» shtammynan 5 ese joǵary, juqtyrǵandardyń sany ár úsh-tórt kún saıyn eki ese artýy múmkin ekenin atap ótti.
Qazaqstanda koronavırýstyq ınfektsııa boıynsha epıdemıologııalyq jaǵdaıdyń nasharlaýy baıqalatynyn esterińizge salamyz. Sońǵy táýlik boıynsha respýblıkada KVI+ boıynsha 9122 jaǵdaı tirkeldi.
Engiziletin sharalar eldegi epıdemıologııalyq jaǵdaıdy turaqtandyrýǵa, aýrýlar sanynyń ulǵaıý qaýpin azaıtýǵa, neǵurlym qatań shekteý sharalaryn engizýge jol bermeý úshin baǵyttalǵanyna nazar aýdaramyz.

Qaýlynyń tolyq mátinin myna jerden oqýǵa bolady.


Joǵary qaraı