Aýa raıy
Astana -23 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Koronavırýs Eýropadaǵy Azamattyq avıatsııaǵa quldyraý qaýpin tóndirýde

2020 jyldyń 29 qazan 2020 08:03

LONDON. QazAqparat – Pandemııa jaǵdaıynda Eýropadaǵy eń iri áýejaılardyń jolaýshylar aınalymy úsh ese tómendegen. Buǵan kompanııalardyń óndiristik kórsetkishteri týraly esepter dálel bola alady, dep habarlaıdy QazAqparat Euronews –ke silteme jasap.

Osylaısha daǵdarysqa deıin Eýropadaǵy tasymaldaý kólemi boıynsha eń iri bolyp sanalǵan londondyq «Hıtroý» júktemeniń shamamen 69%-ǵa tómendegenin tirkedi, ol shamamen 19 mln jolaýshyǵa qyzmet kórsetti. Parıjdik «Sharl de Golldiń» shyǵyndary shamamen 67%-dy qurady. Eýropanyń áýehabtarynyń alǵashqy bestiginde eń kóp zardap shekken – Frankfýrt áýejaıy, ol jolaýshylardyń 70%-dan astamyn joǵaltty.

Jeneva áýejaıynyń bas dırektory Andre Shnaıder daǵdarystan shyǵý úshin birneshe jyl qajet ekenin eskertedi.

«Bizdiń túsimimizdiń 95% -y jolaýshylarǵa tikeleı nemese janama túrde baılanysty. Bul kiristiń edáýir bóligin joǵaltatynymyzdy bildiredi. Biz shyǵyndardy azaıtý úshin kóptegen shara qabyldadyq, biraq biz joǵary tehnologııalyq nysandarmen toltyrylǵan platformany usynǵandyqtan, shyǵyndarymyzdy tez azaıtýǵa múmkindigimiz shekteýli», — dedi Andre Shnaıder.

Halyqaralyq áýejaılar keńesiniń baǵalaýy boıynsha, eleýli memlekettik qoldaýsyz 200-ge jýyq eýropalyq áýe toraby bankrotqa ushyraýy múmkin. Jyl basynan beri óńirde áýe tasymalynyń kólemi 1,3 mlrd jolaýshyǵa qysqardy.

Qazan aıynyń ortasyndaǵy jaǵdaı boıynsha kórsetkishter tómendeýde — EO, Eýroaımaq elderi, Shveıtsarııa jáne Ulybrıtanııadaǵy áýejaılar úshin quldyraý 80%-dy quraýy múmkin, al shekarany jabý jáne qysqy maýsymdaǵy shekteýlerdi kúsheıtý perspektıvalary azamattyq avıatsııany tyǵyryqqa tireıdi.

Basty sózder: Koronavırýs, Kólik, Eýropa,
Joǵary qaraı