Aýa raıy
Astana 28 °S
Almaty 35 °S
valıýta baǵamy
USD 412.55
EUR 468.66
RUB 5.79
CNY 58.80

Koronavırýs indeti kezinde qansha qazaqstandyq Túrkııada demalyp jatyr

2020 jyldyń 3 shilde 2020 13:20

NUR-SULTAN. QazAqparat - Túrkııamen aradaǵy áýe qatynasy jandanǵannan keıin osy elge demalýǵa ketken qazaqstandyq týrısterden kómek surap júgingender bolǵan joq. Bul týraly «Týrıstik qamqor» korporatıvtik qory málim etti, dep habarlaıdy QazAqparat tilshisi.

«2020 jyldyń 30 maýsymyndaǵy derekterge sáıkes, Qazaqstannyń týrıstik kompanııalary Túrkııaǵa 454 týrıst jiberdi. Onyń ishinde 154 adam elge oraldy» dedi qordyń baspasóz qyzmetinen.

Uıym málimetinshe, osy kúnge deıin eshbir qazaqstandyq qandaı da bir kómek surap, qorǵa júginbegen.

Al elimizdiń Syrtqy ister mınıstrligi qazaqstandyqtar ázirshe elge óz betinshe qaıta alatynyn aıtyp otyr.

«Ázirshe reıster ushyp jatyr. Azamattar memlekettiń kómeginsiz-aq úılerine qaıta alady. Túrkııadaǵy elshilik ázirge azamattarǵa esh kómek kórsete almaıdy», - dedi QR SІM resmı ókili Aıbek Smadııarov.

Aıta keteıik, birqatar buqaralyq aqparat quraldarynda Túrkııaǵa demalýǵa ketken birneshe qazaqstandyq týrısten koronavırýs tabylǵany týraly aqparat taraǵan bolatyn. Al «Týrıstik qamqor» qorynyń málimetinshe, ol qazaqstandyqtar oqshaýlanǵan jáne bári durys. Degenmen, Qazaqstannyń bir azamatshasy aýrýhanada em alyp jatyr. Oǵan barlyq jaǵdaı jasalyp otyr. Sonymen qatar qor koronavırýs tabylǵan týrıstermen ne isteý qajettigine qatysty reglament kútip otyrǵandyǵyn aıtady.

Keshe QR Úkimet basshysy Asqar Mamınniń tóraǵalyǵymen ótken memlekettik komıssııa halyqaralyq áýe qatynasyn saqtaý týraly sheshim qabyldaǵan bolatyn.

Qazaqstan 20 maýsymnan bastap Túrkııaǵa, Qytaıǵa, Ońtústik Koreıaǵa, Taılandqa, Grýzııa men Japonııaǵa halyqaralyq reısterdi ashqan edi.


Joǵary qaraı