Aýa raıy
Astana 9 °S
Almaty 22 °S
valıýta baǵamy
USD 421.58
EUR 496.83
RUB 5.53
CNY 62.20

Koronavırýs ınfektsııasynyń tirkelý jaǵdaılary 18 paıyzǵa tómendedi – Alekseı Tsoı

2020 jyldyń 4 tamyz 2020 09:54

NUR-SULTAN. QazAqparat - Respýblıkada koronavırýs ınfektsııasynyń tirkelý jaǵdaılary 18 paıyzǵa tómendedi. Bul týraly Úkimet otyrysynda QR Densaýlyq saqtaý mınıstri Alekseı Tsoı aıtty, dep habarlaıdy QazAqparat tilshisi.

«3 tamyzda 93 820 naýqas tirkelip, onyń 27 597-si em alyp jatyr. 55 132 adam emdelip shyǵyp, 1 091 adam qaıtys boldy. Tolyqtaı alǵanda, respýblıka boıynsha ótken aptamen salystyrǵanda tirkelgen jaǵdaılardyń 18 paıyzǵa tómendegeni baıqalady. 4 aptalyq karantın kezinde mynadaı nátıjege qol jetkizildi: tósek-orynnyń bosaýy 56 paıyz boldy. Onyń ishinde reanımatsııalyq tósek-oryndar 36 paıyzǵa qysqardy. Jazylyp shyqqandar sany 69,4 paıyzǵa jetti. Jedel járdem shaqyrý, onyń ishinde koronavırýsqa baılanysty shaqyrtýlar 40 paıyzǵa azaıdy»,- dedi ol.

Mınıstrdiń aıtýynsha, vırýstyń reprodýktıvtik kórsetkishi 24 paıyzǵa, ıaǵnı, 1,2-den 0,89-ǵa deıin tómendedi.

«Osylaısha, densaýlyq saqtaý júıesine júktemeniń negizgi kórsetkishterin tómendetýge qol jetkizildi. Qatań shekteý sharalaryn engizgenge deıin reprodýktıvtik kórsetkishi 1,2 paıyz bolǵan edi. Karantın engizilgen soń 2 aptadan keıin reprodýktıvtik kórsetkishtiń turaqty túrde tómendeý úrdisin baıqap otyrmyz», - dedi Alekseı Tsoı.

Onyń dereginshe, 23 shildeden bastap ınfektsııanyń reprodýktik kórsetkishi turaqty túrde tómendep kele jatyr. Bul kórsetkish 4 tamyzda 0,89-ǵa deıin qysqardy.

«Epıdemıologııalyq turǵydan alǵanda bul kórsetkishtiń 1-den tómen bolǵany mańyzdy. 4 tamyzda reprodýktıvtik kórsetkish Aqmola men Qaraǵandy oblystarynan basqa barlyq óńirde 1-den joǵary bolǵan joq», - dedi ol.


Joǵary qaraı