Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Koronavırýs ish qýysynyń qabynýyn týdyrýy múmkin – vırýsologtar

2022 jyldyń 24 qańtar 2022 14:32

NUR-SULTAN. QazAqparat – Koronavırýs perıtonıt týdyrýy múmkin. Kýba reseılik týrıster úshin elge kirý talabyn jeńildetti. Bul týraly Qazaqstanda koronavırýstyń taralýyna jol bermeý jónindegi vedomstvoaralyq komıssııanyń Telegram-kanalynda aıtyldy, dep habarlaıdy QazAqparat.

Reseılik vırýsologtar koronavırýs ınfektsııasyna shaldyqqan organızm úshin sırek kezdesetin, biraq qaýipti saldardy anyqtady – vırýs ish qýysynyń qabynýyn týdyrýy yqtımal. Koronavırýs ártúrli asqynýlar beredi, keı jaǵdaılarda aýrý ish qýysyna áser etýi múmkin jáne bul – perıtonıt. Asqynýdyń damýy keıbir organdardyń ımmýndyq fýnktsııalarymen baılanysty bolýy múmkin, dep túsindirdi medıtsına ǵylymdarynyń kandıdaty Borıs Chýradze.

«Іsh qýysynda ımmýndyq reaktsııaǵa jaýap beretin lımfa túıinderi kóp. Patologııalyq ózgerister bolǵan jaǵdaıda ish qýysy asqynýlar paıda bolatyn aımaqqa aınalýy múmkin», - dedi dáriger.

Kóbinese, ishtiń qatty aýyrýy, entigý, tamaqtanýdan bas tartý, nájistiń bolmaýy, ıntoksıkatsııa COVID-19 kezinde asqynýlardyń damýynyń belgisi bolyp tabylady jáne bul dárigerlik kómekke dereý júginýge sebep bolady.

Bıletterdi týroperatorlardan satyp alatyn reseılik týrıster úshin Kýbaǵa kirý tártibi jeńildedi. Reseı Federatsııasynan kelgen saıahatshylarǵa koronavırýsqa qarsy vaktsınatsııa týraly sertıfıkattar men PTR-testiniń teris nátıjesi bar sertıfıkattardy usynýdyń qajeti joq. Kýba bıligi bul sheshimdi eldegi epıdemıologııalyq jaǵdaıdyń jaqsarýyna jáne jergilikti halyqty vaktsınalaýdyń joǵary deńgeıine baılanysty qabyldady, ujymdyq ımmýnıtet 90% jetti. Biraq, eger týrıst óz betinshe demalýdy josparlasa, ol teris PTR-testin nemese vaktsınatsııa sertıfıkatyn usynýy kerek. Reseılik vaktsınalardyń arasynan Kýbada tek «Spýtnık V» preparaty moıyndalǵan.


Joǵary qaraı