Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Koronavırýs: Izraılde «jasyl pasport» berile bastady

2021 jyldyń 22 aqpan 2021 14:28

NUR-SULTAN. QazAqparat - Izraılde koronavırýsqa qarsy vaktsına alǵan nemese osy indetten jazylyp shyqqan azamattarǵa «jasyl pasport» berilip jatyr. QazAqparat álemdegi osy jáne ózge de jańalyqtar týraly Qazaqstanda koronavırýstyń taralýyna jol bermeý jónindegi vedomstvoaralyq komıssııanyń aqparatyna silteme jasap habarlaıdy.

Izraılde «jasyl pasport» dep atalatyn qujat aınalymǵa engizildi. Ony koronavırýsqa qarsy ekpe alǵan nemese indetten jazylyp shyqqan azamattar ala alady. Atalǵan kýálik ıelerine fıtnes-stýdııalarǵa, sporttyq is-sharalarǵa qatysýǵa, qonaq úılerge toqtap, teatr men kınoǵa barýǵa ruqsat etiledi. Izraıldiń Densaýlyq saqtaý mınıstri ıÝlıı Edelshtaın bul artyqshylyqtardy eldiń 3,2 mıllıonnan astam azamaty birden paıdalana alatynyn málimdedi.

Al Dúnıejúzilik medıtsına qaýymdastyǵynyń (WMA) tóraǵasy Frank Ýlrıh Montgomerı, Germanııadaǵy shekteý sharalaryn jeńildetpeýdi eskertti. «Koronavırýs reprodýktsııasy ındeksiniń (R) joǵarlaýy kezinde shekteý sharalaryn jeńildetý týraly aıtyp jatqandardyń áreketi –jaýapsyzdyq», - dep málimdedi Montgomerı. Esterińizge sala keteıik, Germanııada 16 jeltoqsannan bastap qatań lokdaýn engizilgen. Biraq oǵan qaramastan, Berlınde 21 aqpanǵa qaraǵan túni 30 adamnyń qatysýymen uıymdastyrylǵan zańsyz saýyq keshiniń ótkeni anyqtaldy. Іs-shara qaraýsyz qalǵan ónerkásiptik ǵımarattyń aýmaǵynda uıymdastyrylǵan.

Parıjde jergilikti quqyq qorǵaý organdary qatań shekteý sharalyryna qaramastan, 200-ge jýyq adamnyń qatysýymen uıymdastyrylǵan jasyryn saýyq keshin áshkerlegen. Polıtsııa qyzmetkerleri 10 adamdy qamaýǵa alyp, aıyppul tóleýdi kózdeıtin 59 hattama jazǵan.

Madrıdte jasyryn saýyq keshiniń qatysýshylary karantındik shekteýlerdi buzýshylardy anyqtaý maqsatynda reıd júrgizgen polıtsııa qyzmetkerlerinen jasyrynýǵa tyrysyp, matras pen shkaftyń astyna tyǵylǵan. Ótken demalys kúnderi tek Ispanııa astanasynda 227 saýyq keshi ótkeni anyqtalǵan. «Turǵyndar lokdaýndy saqtamaǵan, ǵımarat ishinde betperde qoldanbaǵan jáne qaýipsizdik sharalaryn ustanbaǵan», - delingen qalalyq polıtsııa basqarmasynyń málimetinde.




Basty sózder: Álem, Koronavırýs,
Joǵary qaraı