Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Koronavırýs: Qazaqstanda qandaı shekteý sharalary engizildi

2022 jyldyń 18 qańtar 2022 19:13

NUR-SULTAN. QazAqparat – Qazaqstanda koronavırýstyń órshýine baılanysty qosymsha shekteý sharalary engizildi. Bul týraly QR Premer-Mınıstriniń orynbasary Eraly Toǵjanov aıtyp berdi, dep habarlaıdy QazAqparat tilshisi.

«Bir ǵana Nur-Sultan qalasy boıynsha statsıonarlarda em alatyn adamdardyń sany 200 adamnan 1000-ǵa deıin, ıaǵnı 5 esege ósken. Bul jaǵdaı Densaýlyq saqtaý júıesine úlken júkteme artyp otyr. Osyǵan baılanysty vedomstvoaralyq komıssııa qosymsha shekteý sharalaryn qabyldady», - dedi E. Toǵjanov Ortalyq kommýnıkatsııalar qyzmetinde.

Spıkerdiń aıtýynsha, vaktsınalaý mártebesine qaramastan, shetelden kelgenderdiń barlyǵynda teris PTR testiniń bolýy mindetteldi.

Ashyq baǵdarlamasy boıynsha «jasyl» mártebe bolǵanda ǵana jumys isteýge ruqsat etilgen obektiler tizbesi keńeıtildi.

«Óńirlerdegi epıdemıologııalyq ahýalǵa baılanysty oqýshylardy, stýdentterdi oqytýǵa dıfferentsıaldy tásil qoldanylady. Halyq kóp jınalatyn oryndarǵa qosymsha shekteýler engizildi. Bul májbúrli sharalar, eń aldymen, azamattarymyzdy qorǵaýǵa baǵyttalǵan», - dep túsindirdi E. Toǵjanov.

Buǵan deıin Eraly Toǵjanov koronavırýs zardabynan 18 myń adam qaıtys bolǵanyn aıtyp, sanıtarlyq normalardy elemeıtin turǵyndardyń áreketinsynǵa alǵan edi.

Sondaı-aq Qazaqstanda vaktsınalardyń 5 mln doza qory bar.



Avtor Aıjan Serikjanqyzy
Basty sózder: Koronavırýs, Karantın,
Joǵary qaraı