Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Koronavırýs: Qazaqstandyq vaktsınanyń komponentterin egý merzimin uzartý qarastyrylmaǵan

2021 jyldyń 14 mamyr 2021 18:35

NUR-SULTAN. QazAqparat – Koronavırýsqa qarsy otandyq vaktsınanyń І jáne ІІ komponenti arasyndaǵy merzimdi uzartý qarastyrylmady. Bul týraly QR DSM Qoǵamdyq densaýlyq saqtaý ulttyq ortalyǵynyń «Sanıtarııalyq-epıdemıologııalyq saraptama jáne monıtorıng ǵylymı- praktıkalyq ortalyǵy» fılıaly dırektorynyń orynbasary Manar Smaǵul aıtty, dep habarlaıdy QazAqparat tilshisi.

Ortalyq kommýnıkatsııalar qyzmetindegi baspasóz qyzmetinde qazaqstandyq vaktsınanyń (QazVac) І jáne ІІ komponenti arasyndaǵy 21 kúndi uzartý múmkindigi týraly suraldy.

«Otandyq vaktsınany saldyrý merziminiń aralyǵyn uzartý vaktsına óndirýshilerdiń nusqaýymen ǵana engiziledi. Qazirgi kezde bul másele kótirilmedi. Jańa derekter bolǵanda ǵana tıisti ózgerister engiziledi. Eske sala keteıik, Gamaleıa ulttyq epıdemıologııa jáne mıkrobıologııa ǵylymı-zertteý ortalyǵynyń dırektory Aleksandr Gıntsbýrgtiń resmı málimdemesinen keıin «Spýtnık-V» vaktsınasynyń komponentterin saldyrý aralyǵy uzartyldy», - dedi M. Smaǵul.

Osy oraıda qazaqstandyq vaktsınanyń І jáne ІІ komponentiniń arasyndaǵy merzimdi uzartý máselesi qarastyrylmaǵanyn naqtylady.

Budan buryn habarlanǵandaı, baspasóz máslıhatynda vaktsınanyń birinshi komponentiniń ornyna ekinshi komponentin salýdyń keri saldary bolmaıtyny aıtyldy.



Avtor Rýslan Ǵabbasov
Basty sózder: Vaktsına, Koronavırýs, QazVas,
Joǵary qaraı