Aýa raıy
Astana -10 °S
Almaty -5 °S
valıýta baǵamy
USD 421.58
EUR 496.83
RUB 5.53
CNY 62.20

Koronavırýs: Qazaqstandyq vaktsınanyń janýarlarǵa júrgizilgen synaǵy sátti ótti

2020 jyldyń 30 shilde 2020 21:04

NUR-SULTAN. QazAqparat – Bıologııalyq qaýipsizdik problemalary ǵylymı-zertteý ınstıtýty bas dırektorynyń ǵylym jáne kommertsııalandyrý jónindegi orynbasary Erǵalı Ábdiraıymov koronavırýsqa qarsy vaktsınany ázirleý synaǵynyń qaı kezeńinde júrip jatqanyn aıtty, dep habarlaıdy QazAqparat.

«Prezıdent tapsyrmasymen jáne Bilim jáne ǵylym mınıstrliginiń qoldaýymen bizdiń ǵalymdar 23 naýryzda koronavırýsqa qarsy vaktsına jasaý baǵdarlamasyn ázirleýge kiristi. Koronavırýspen aýyratyn naýqastardan bıologııalyq materıaldar alyndy. Kúsheıtilgen jumystardyń nátıjesinde biz alǵashqy otandyq belsendendirilmegen vaktsınany ázirledik. 15 mamyrda vaktsınamyzdy DDSU saıtynda klınıkaǵa deıingi synaqtar júrgizýge kandıdattyq vaktsına retinde tirkedik», - dep túsindirdi Erǵalı Ábdiraıymov QazAqparat tilshisine bergen suhbatynda.

Ǵalymnyń aıtýynsha, qazirgi ýaqytta synaq jumystary belsendi júrip jatyr. Onda tyshqan, atjalman, egeýquıryq, teńiz shoshqasy syndy zerthanalyq janýarlarǵa synaq júrgizilgen.

«Densaýlyq saqtaý mınıstrliginiń hattamasymen kóptegen parametrler boıynsha 20-dan astam túrli synaqtar ótýde. Barlyq testileýler boıynsha vaktsına ózin óte jaqsy jáne absolıýtti qaýipsiz ekenin kórsetti. ıAǵnı, preparat zerthanalyq janýarlarǵa zııansyz boldy. Oǵan qosymsha vaktsına qazir Densaýlyq saqtaý mınıstrliginiń talaptary boıynsha Dárilik zattardy saraptaý ulttyq ortalyǵynyń Almaty fılıalynda synalyp jatyr. Onda da klınıkaǵa deıingi synaqtar júrýde», - deıdi E. Ábdiraıymov.

Aldyn ala málimetter boıynsha, klınıkaǵa deıingi synaqtardy qyrkúıek aıyna deıin aıaqtaý josparlanǵan. Sodan keıin vaktsına synaq retinde eriktilerge salynady. Munda koronavırýspen aýyryp kórmegender de erikti bola alady.

«Al qyrkúıektiń basynda klınıkalyq synaqtardyń birinshi kezeńi úshin eriktiler irikteledi, ıaǵnı vaktsına adamdardyń ózinde synalady. Oǵan densaýlyǵy myqty adamdar bolýy kerek. Іrikteý Densaýlyq saqtaý mınıstrliginiń talaptary boıynsha júrgiziledi. Bul májbúrli shara emes. Ár adam osy synaqtarǵa qatysa alady», - dedi spıker.

Onyń aıtýynsha, klınıkaǵa deıingi synaqtar eń aldymen vaktsınanyń qaýipsizdigin kórsetýi kerek.

«Biz preparattyń qaýipsizdigin 20-dan astam parametr boıynsha zertteımiz. Osy parametrler boıynsha vaktsına ózin jaqsy kórsetýde jáne zerthanalyq janýarlarda esh janama áser baıqalmady. Vaktsınanyń shamamen qashan daıyn bolatynyn aıtý qıyn. Óıtkeni ol birneshe synaq kezeńderinen ótýi kerek. Bul protsedýralardy retteıtin Densaýlyq saqtaý mınıstrliginiń arnaıy hattamasy bar. Vaktsına satylymǵa qashan túsetinin naqty aıta almaımyz. Ázirleý protsesi qazir jedel júrip jatyr. Qazir birde-bir vaktsına klınıkalyq synaqtan ótken joq, búkil álemde áli de synalyp jatyr», - dedi Erǵalı Ábdiraıymov.

Buǵan deıin QR Bilim jáne ǵylym mınıstrligi koronavırýsqa qarsy qazaqstandyq vaktsınanyń synaqtan sátti ótip jatqanyn málimdegen edi.

Joǵary qaraı