Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Koronavırýs: «Kók» mártebesi barlar úshin birqatar shekteý alynyp tastaldy

2022 jyldyń 25 qańtar 2022 09:36

NUR-SULTAN. QazAqparat – Koronavırýs boıynsha «kók» mártebesi bar turǵyndar úshin birqatar shekteý alynyp tastaldy. Bul týraly búgin Úkimet otyrysynda QR Densaýlyq saqtaý mınıstri Ajar Ǵınııat málim etti, dep habarlaıdy QazAqparat tilshisi.

«Epıdemıologııalyq qaýip aımaǵyna qaramastan «kók» mártebesi bar bolǵan kezde otelderge, qonaq úılerge, áýejaılarǵa, temirjol, avtovokzaldarǵa, Halyqqa qyzmet kórsetý ortalyqtaryna, «Qazposhta» AQ bólimshelerine, bankterge, ashanalar túrindegi qoǵamdyq tamaqtaný obektilerine, jabyq bazarlarǵa, bilim berý uıymdaryna, SPA-ortalyqtarǵa, sán salondaryna, oblysaralyq, oblysishilik, qalalyq tasymaldaýlarǵa shekteýsiz kirýge ruqsat etiledi», - dedi Ajar Ǵınııat.

Onyń atap ótýinshe, «kók» mártebesi bar kelýshilerdiń kirýine ruqsat berilgen birqatar obektiler úshin «jasyl» aımaqta shekteýler alynyp tastalady. «Sary» aımaqta 70 paıyzǵa deıin, «qyzyl» aımaqta 60 paıyzǵa jáne meıramhanalar, mádenı obektiler, balalar men eresekter úshin saýda, jáne oıyn-saýyq oryndary boıynsha tolymdylyq ulǵaıtyldy.

«Elimizde pandemııanyń búkil kezeńinde bıznestiń barlyq salalarynda karantındik sharalardyń mundaı keń aýqymdy jeńildikteri bolǵan joq», - dedi mınıstr.


Joǵary qaraı