Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Koronavırýs maýsymdyq sıpatqa ıe bolyp barady – Memleket basshysy

2021 jyldyń 21 mamyr 2021 16:03

NUR-SULTAN. QazAqparat – Koronavırýspen aýrý maýsymdyq sıpatqa ıe bolyp barady. Bul týraly Joǵary eýrazııalyq ekonomıkalyq keńestiń otyrysynda Qazaqstan Prezıdent Qasym-Jomart Toqaev aıtty, dep habarlaıdy QazAqparat tilshisi.

«Osy jyldyń aqpanynan bastap Qazaqstanda halyqty reseılik «Spýtnık V» preparatymen vaktsınatsııalaý júrgizilip jatyr. Reseı járdeminiń arqasynda atalǵan preparat óndirisi bizdiń elimizde de jolǵa qoıylǵan. Bul — tabysty ǵylymı-ónerkásiptik kooperatsııanyń jarqyn úlgisi. Mundaı tájirıbeni keńeıtip, basqa da salalarǵa engizýge bolady», - dedi Memleket basshysy.

Qasym-Jomart Toqaev Qazaqstan da óziniń otandyq QazVac vaktsınasyn ázirlegenin atap ótti.

«Osylaısha, Qazaqstan óziniń vaktsınasy bar on eldiń birine aınaldy. Júrgizilgen klınkalyq zertteýler onyń tıimdiligi men qaýipsizdigin kórsetti. Buǵan qosa, barlyq boljamdarǵa qaraǵanda kovıdpen aýyrý maýsymdyq sıpatqa ıe bolyp barady. Vırýspen kúrestegi tabys kepili halyqty ımmýndaý ekeni aıqyn. Bul saladaǵy yntymaqtastyq pen ózara is-qımyldy jalǵastyrý barynsha mańyzdy dep sanaımyz», - dedi QR Prezıdenti.


Joǵary qaraı