Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Koronavırýs: medqyzmetkerlerge ústemeaqy berý toqtatylady, keı baǵytta saqtalady

2021 jyldyń 21 shilde 2021 17:17

NUR-SULTAN. QazAqparat – 1 qazannan bastap pandemııamen kúreske jumyldyrylǵan medıtsına qyzmetkerlerine ústemeaqy tóleýdi toqtatý týraly buıryq jobasy Ashyq úkimet portalyna shyǵaryldy, dep habarlaıdy QazAqparat.

«Osy táýekel toby bir qyzmetkerge ústemeaqy mólsheri 2021 jylǵy 1 tamyzǵa deıin respýblıkalyq bıýdjet týraly zańda bıyl belgilengen eń tómen jalaqynyń jıyrma eselengen mólsherinen jáne 2021 jylǵy 1 qazanǵa deıin – on eselengen ETJM-den aspaıdy», - dep jazylǵan buıryqtyń jańa nusqasynda.

Densaýlyq saqtaý mınıstrliginiń habarlaýynsha, 2021 jylǵy 1 aqpannan bastap halyqty jáne densaýlyq saqtaý júıesi qyzmetkerlerin jappaı vaktsınalaý bastaldy. Sonymen birge, medıtsına qyzmetkerleri qorǵanys quraldarymen qamtamasyz etilgen.

Osylaısha, erekshe jáne zııandy eńbek jaǵdaılarynda medıtsınalyq kómek kórsetetin densaýlyq saqtaý júıesiniń qyzmetkerlerin qoldaýdyń júıeli sharalaryna kóshý maqsatynda ústemaqylar mólsherin kezeń-kezeńimen tómendetý usynylady: tamyzdan qyrkúıekke deıin – belgilengen mólsherden 50% jáne 1 qazannan bastap ústemaqy tóleý toqtatylady.

Bul rette reanımatolog-anestezıologtar, ınfektsıonıster, reanımatologııa jáne anestezıologııa bólimsheleriniń anestezısteri, epıdemıologtar, psıhologtar jáne MSAK áleýmettik qyzmetkerleri, ıadrolyq medıtsına ortalyǵynyń qyzmetkerleri, ıadrolyq medıtsına-patologonatomdarǵa ústemeaqy tóleý jalǵasady», - deıdi mınıstrlik.

Atalǵan buıryq 2021 jylǵy 1 tamyzda qoldanysqa engiziledi.


Joǵary qaraı