Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Koronavırýs nárestege ana súti arqyly juqpaıdy- gınekolog

2021 jyldyń 16 qyrkúıek 2021 15:59

ALMATY. QazAqparat - Almaty qalalyq Perınataldyq ortalyǵynyń gınekology Ásel Omarqulova onlaın brıfıng barysynda júkti áıelderde COVID-19 qalaı anyqtalatynyn jáne nárestege vırýsty juqtyrmaý úshin ne isteý kerekitigin aıtyp berdi, dep habarlaıdy QazAqparat tilshisi.

«Barlyq júkti áıelder ımmýndyq tapshylyq jaǵdaıynda bolady ári táýekel tobyna jatady. Biz olardan belgili qaýipsizdik sharalaryn saqtaýdy suraımyz: maska taǵý, qoldy jýý jáne adamdar kóp jınalatyn jerlerden aýlaq bolý. Al eger aýyryp qalsa, ózin-ózi emdeýmen aınalyspaýy kerek, sebebi kovıdti emdeıtin kóptegen preparatta júkti áıelderge qarsy kórsetilimi bar», - deıdi Ásel Omarqulova.

Gınekologtyń aıtýynsha, vırýs juqtyrǵan júkti áıelder barlyq jaǵdaıda aýrýhanaǵa jatqyzyla bermeıdi. COVID-19 sımptomsyz jáne jeńil aǵymy bar bolashaq analar ambýlatorlyq emdeýde qalady.

Ádette, dárigerler olarǵa kóp mólsherde suıyqtyqty ishý boıynsha usynystar beredi, áıelder ózin-ózi baqylaý kúndeligin júrgizedi, temperatýrany, tamyr soǵý jıiligin jáne tynys alýdy baqylaıdy. BSMK medıtsınalyq qyzmetkerimen qashyqtan baılanysty kúndelikti ornatady.

Perınataldyq ortalyqta koronavırýspen bosanǵan áıelder jiti baqylaýda bolady.

«Ortalyqta 20 tósek-oryndy ınfektsııalyq bólimshe jumys jasaıdy. Basqa kovıdtik statsıonardaǵydaı, «jasyl aımaq», «qyzyl aımaq», shlıýz, sanıtarııa», «jasyl aımaq» bar. Juqtyrǵan naýqastardy bosandyrǵanda medbıkeler qorǵanys quraldaryn, kostıýmderdi, kózildirik pen qolǵapty paıdalanady»,- deıdi dáriger.

«Náreste dúnıege kele salysymen 1 mınýtqa keshikpeı, onyń kindigin qysý usynylady, sebebi bul ana men balanyń densaýlyǵyna paıdaly jáne jańa týǵan náresteniń tamaqtaný jaǵdaıyn jaqsartady. Sonymen qatar, jańa týǵan nárestege COVID-19-dyń qan arqyly berilý qaýpi az. Koronavırýs balaǵa ana súti arqyly berilmeıdi. Dúnıejúzilik densaýlyq saqtaý uıymynyń qoldanystaǵy usynymdaryna sáıkes, eger saqtyq sharalary saqtalsa, COVID-19 juqtyrǵan áıelder sábıin emize alady»,-dedi Ásel Omarqulova.

Almaty qalasynyń perınataldyq ortalyǵynyń gınekology búginde ınfektsııanyń uryqqa antenataldy jolmen beriletini týraly senimdi derekter joq ekenin atap ótti.

«Vertıkaldy jol – qan arqyly, uryqjoldas rastalmaıdy. Infektsııa naýqas anadan bosaný kezinde, balamen qarym-qatynas kezinde múmkin bolady, eger ol qaýipsizdik sharalaryn saqtamasa – maska rejımi, qoldy jýý jáne dezınfektsııalaý», - dedi spıker.

Sondaı-aq ol bala kóteretin áıelderge qoǵamdyq oryndarǵa, dúkender men gıpermarketterge barmaýǵa shaqyrdy. Oǵan qosa júkti áıeldi COVID-19 koronavırýs ınfektsııasynan qorǵaý úshin onyń otbasy men jaqyndary vaktsına alýy tıis. Sonda ǵana ana men bolashaq sábıdiń ómiri qaýipsiz bolady.


Joǵary qaraı