Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Koronavırýs naýqastarymen baılanysta bolǵan adamdardy oqshaýlaý tártibi ózgerdi - qaýly

2021 jyldyń 20 qyrkúıek 2021 10:49

NUR-SULTAN. QazAqparat – QR Bas sanıtar dárigeriniń jańa qaýlysy boıynsha COVID-19 ınfektsııasyn juqtyrǵan naýqaspen baılanysta bolǵan adamdardy oqshaýlaý tártibi ózgerdi, dep habarlaıdy QazAqparat tilshisi.

Qaýlymen birge berilgen 35-qosymshada COVID-19 ınfektsııasyn juqtyrý táýekeli joǵary bolǵan adamdardy oqshaýlaý tártibi qaıta jazylǵan.

Atap aıtqanda, naýqaspen jaqyn baılanysta bolýdyń sharttary naqtylanǵan. Olar:

– COVID-19 jaǵdaıymen bir turǵyn úıde birge turatyn adam;

– COVID-19-ben aýyratyn naýqaspen nemese COVID-19 jaǵdaıynyń ınfektsııalyq bólindilerimen qorǵalmaǵan tikeleı baılanysta bolǵan adam (mysaly, jótelý, qol alysý kezinde jáne t.b.);

– JQQ (qorǵanysh maskasyn) paıdalanbaı jabyq úı-jaıda (mysaly, synypta, keńeske arnalǵan bólmede, aýrýhanadaǵy kútý bólmesinde jáne t. b.) COVID-19 jaǵdaıymen birge 15 mınýt nemese odan kóp ýaqyt ishinde 1,5 metrden kem qashyqtyqta bolǵan adam;

– COVID-19 jaǵdaıyna tikeleı kútimdi qamtamasyz etetin medıtsına qyzmetkeri nemese basqa da adam nemese usynylǵan JQQ-syz ne JQQ-ny qoldanýdy buzý múmkindigimen COVID-19 jaǵdaıynyń bıoúlgilerimen jumys istegen zerthana mamandary;

– ushaqta, qalaaralyq qatynastaǵy avtobýsta, poezda, COVID-19-ben aýyratyn naýqastan kez kelgen baǵytta eki oryndyq qashyqtyqta bolǵan baılanysta bolǵan adam, sondaı-aq COVID-19-ben aýyratyn naýqas ushqan ushaqtyń sektsııasyna qyzmet kórsetken ekıpaj músheleri retinde aıqyndalady.

«Jaqyn baılanysta bolǵandardy anyqtaý úshin epıdemıologııalyq baılanystardy tergep-tekserý kezeńi COVID-19 jaǵdaıy anyqtalǵanǵa deıin 14 táýlik buryn bastalýy jáne COVID-19 jaǵdaıyn oqshaýlaý sátimen aıaqtalýy tıis», - dep jazylǵan qujatta.

Sondaı-aq, qaýly naýqaspen baılanysta bolǵan adamdarǵa qatysty mynadaı sharalar qabyldaý kerektigin nusqaıdy:

1) COVID-19-ǵa qarsy vaktsınatsııanyń tolyq kýrsyn alǵany týraly qujattamalyq rastaý bolmaǵan kezde COVID-19-ben aýyratyn naýqaspen baılanysta bolǵan adamdar (jaqyn baılanys) 14 kúnge úıde oqshaýlaýǵa (úı karantıni) jatady.

Oqshaýlaýdyń 3-shi kúni PTR ádisimen COVID-19-ǵa baılanysta bolǵan adamdy (jaqyn baılanys) zerthanalyq tekserý úshin synama alý júrgiziledi. PTR zertteý teris bolǵan jaǵdaıda MSAK mamany kún saıyn 14 kún boıy telefon arqyly baılanysta bolǵan adamnan onyń densaýlyq jaǵdaıyn (dene temperatýrasy, aýrý belgileriniń bolýy) naqtylaıdy, 14 kún ótkennen keıin COVID-19 belgileri bolmaǵan jaǵdaıda karantın men oqshaýlaý aıaqtalady. PTR-zertteýdiń oń nátıjesi bolǵan kezde MSAK mamany Sanıtarııalyq-epıdemıologııalyq komıtettiń aýmaqtyq bólimshesine COVID-19-ben aýyratyn naýqasqa jedel habarlama beredi.

2) COVID-19-ǵa qarsy vaktsınatsııalaýdyń tolyq kýrsyn alǵany týraly qujattamalyq rastaý bolǵan kezde COVID-19-ben aýyratyn naýqaspen baılanysta bolǵan adamdar (jaqyn baılanys) MSAK mamanynyń medıtsınalyq tekserýine jatady. COVID-19 belgileri bolmaǵan kezde baılanysta bolǵan adamdar úı karantınine oqshaýlanbaıdy, COVID-19-ǵa zerthanalyq tekserý júrgizilmeıdi, MSAK mamany kún saıyn 14 kún boıy telefon arqyly baılanysta bolǵan adamnan onyń densaýlyq jaǵdaıyn (dene temperatýrasy, aýrý belgileriniń bolýy) naqtylaıdy. Aýrýdyń belgileri paıda bolǵan kezde baılanysta bolǵan adam PTR-test nátıjelerin alǵanǵa deıin PTR ádisimen COVID-19-ǵa zerthanalyq tekserýge jáne úıde oqshaýlaýǵa (úı karantıni) jatady. COVID-19 dıagnozy rastalǵan kezde MSAK mamany Sanıtarııalyq-epıdemıologııalyq baqylaý komıtetiniń aýmaqtyq bólimshesine COVID-19-ben aýyratyn naýqasqa shuǵyl habarlama beredi.

3. Sımptomsyz vırýs tasymaldaýshylyq kezinde patsıent ambýlatorııalyq jaǵdaıda medıtsınalyq baqylaýǵa jáne osy qaýlyǵa 36-qosymshaǵa sáıkes oqshaýlaý jaǵdaılary bolǵan kezde COVID-19-ben aýyratyn naýqaspen sońǵy baılanysta bolǵan sátten bastap 14 kúnge úıde oqshaýlaýǵa (úı karantıni) jatady.

Ýchaskelik terapevt kún saıyn koronavırýstyq ınfektsııanyń klınıkalyq sımptomdarynyń bolýyna úı karantınindegi sımptomsyz vırýs tasymaldaýshyǵa qońyraý shalýǵa mindetti.

Úı karantınindegi sımptomsyz vırýs tasymaldaýshyda aýrýdyń klınıkalyq belgileri paıda bolǵan kezde (dene temperatýrasynyń 38 gradýsqa deıin jáne odan joǵary kóterilýi, tamaqtyń jybyrlaýy jáne/nemese aýyrýy, álsizdik, jótel, bas aýyrýy, entigý, tynys alýdyń qıyndaýy jáne koronavırýstyq ınfektsııanyń basqa da sımptomdary) ýchaskelik terapevt Sanıtarııalyq-epıdemıologııalyq baqylaý komıtetiniń aýmaqtyq bólimshesine COVID-19-ben aýyratyn naýqasqa jedel habarlama beredi.

Al COVID-19-ben aýyratyn naýqaspen baılanysta bolǵan adamnyń jáne shetelden Qazaqstan Respýblıkasyna avıareıstermen kelgen adam qolhat tapsyrady. Ol qolhattyń mazmunymen myna jerden tanysýǵa bolady.

Eske salsaq, buǵan deıin - Qazaqstan Respýblıkasynyń Bas memlekettik sanıtarııalyq dárigeriniń 2021 jylǵy 2 qyrkúıektegi № 38 qaýlysyna ózgerister engizilgendigi týraly habarlandy.



Joǵary qaraı