Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Koronavırýs: Nur-Sultanda aqpan aıynyń basynan beri 2192 jaǵdaı tirkelgen

2021 jyldyń 22 aqpan 2021 14:22

NUR-SULTAN. QazAqparat – Nur-Sultan qalasynyń bas memlekettik sanıtarlyq dárigeri Sarhat Beısenova elordadaǵy epıdemologııalyq jaǵdaıdy baıandady, dep habarlaıdy QazAqparat tilshisi.


«Nur-Sultan qalasynda barlyq jastaǵy jáne kontıngentter arasynda koronavırýs ınfektsııasy jaǵdaılarynyń tirkelýi jalǵasýda. Qańtar aıynda 3763 jaǵdaı tirkelse, aqpannyń basynan bastap – 2192 jaǵdaı anyqtalǵan. PTsR testiniń teris nátıjesi bar koronavırýs ınfektsııasy jaǵdaılarynyń barlyǵy 80 jaǵdaı, onyń ishinde qańtar aıynda – 55, aqpan aıynda – 25 jaǵdaı», - dedi spıker Nur-Sultan qalasynyń ákimdigi uıymdastyrǵan onlaın-brıfıngte.

Onyń aıtýynsha, bir táýlikte ınfektsııanyń 72 jaǵdaıy tirkeldi. Onyń ishinde 49 sımptomatıkalyq jaǵdaı, 23-i – sımptomsyz jáne 84 oshaq anyqtaldy. Onyń ishinde 66 – úı jaǵdaıynda, 18-i – uıymdastyrylǵan toptarda.

«Sońǵy aptada aldyńǵy aptamen salystyrǵanda, aýrýshańdyq 7,17 paıyzǵa tómendegeni baıqalady. Qarqyndy kórsetkish 100 myń adamǵa shaqqanda 55,58 jáne reprodýktıvti sany 0,97-ni qurady», - deıdi S. Beısenova.


Joǵary qaraı