Aýa raıy
Astana 2 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Koronavırýs pen pnevmonııadan kóz jumǵan 27 medqyzmetkerge ótemaqy tólendi

2020 jyldyń 25 qyrkúıek 2020 10:31

NUR-SULTAN. QazAqparat – Koronavırýs pen vırýstyq pnevmonııadan kóz jumǵan 27 medıtsına qyzmetkerine ótemaqy tólendi, dep habarlaıdy QazAqparat tilshisi.

25 qyrkúıek saǵat 9.00-degi jaǵdaı boıynsha, Memlekettik áleýmettik saqtandyrý qory COVID-19 nemese vırýstyq pnevmonııa juqtyrǵan 2 043 medıtsına qyzmetkeriniń ótinishi boıynsha jáne aýrýdyń saldarynan qaıtys bolǵan 27 medıtsına qyzmetkerine birjolǵy áleýmettik tólem jasaldy.

Budan buryn habarlanǵandaı, joǵaryda atalǵan tólem tólenetin medıtsına qyzmetkerlerin óńirlerdiń jáne respýblıkalyq mańyzy bar qalalardyń densaýlyq saqtaý basqarmalary janyndaǵy arnaıy komıssııalar aýyrǵan medıtsına qyzmetkerlerin tekserý nátıjeleri negizinde anyqtaıdy. Ótinimderdiń jınaqtaýdy QR Densaýlyq saqtaý mınıstrligi júzege asyrady, odan keıin ótinimder elektrondyq is maketterin qalyptastyrý úshin «Azamattarǵa arnalǵan úkimet» memlekettik korporatsııasy» KEAQ-qa beriledi, keıin tólem taǵaıyndaý úshin MÁSQ-ǵa jiberiledi.

Óńirler bólinisinde medıtsına qyzmetkerlerine COVID-19 nemese vırýstyq pnevmonııany juqtyrý jaǵdaıyna tólemderdiń eń kóp sany Nur-Sultan (517) jáne Almaty (373), Shymkent (117) qalalary, Qaraǵandy (170), Batys Qazaqstan (131) jáne Aqmola (107) oblystary boıynsha júrgizildi.


Joǵary qaraı