Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Koronavırýs pen tumaýǵa bólek vaktsına saldyrý kerek - dáriger

2021 jyldyń 8 qarasha 2021 16:01

ALMATY. QazAqparat - Almatyda JRVI dertiniń maýsymdyq ósimi baıqalady. Bul týraly Almaty ortalyq klınıkalyq aýrýhanasy dırektorynyń orynbasary Elvıra Ibragımova baspasóz konferentsııasynda málim etti, dep habarlaıdy QazAqparat tilshisi.

Spıker Almatyda qyrkúıek aıynan bastap derttiń 74 myńnan astam jaǵdaıy tirkelgenin aıtty.

Sondaı-aq, qalada tumaýǵa qarsy vaktsınalaýdyń jalǵasyp jatqanyn, ol - maýsymdyq tumaýdyń aldyn alýdyń eń tıimdi joly ekenin atap ótti.

«Halyqqa tumaýǵa qarsy ekpe egý ádette qazan-qarasha aılarynda, vırýstyń maýsymdyq aınalymy bastalǵanǵa deıin júzege asyrylady. Alaıda, vaktsınany jyl boıy alýǵa bolady. Qala emhanalarynda qala turǵyndary tumaýǵa qarsy reseılik «Grıppol +» vaktsınamen egile alady, - dedi ol.

Spıker sonymen qatar, koronavırýsqa qarsy vaktsınanyń bolǵanyna qaramastan, tumaýǵa qarsy vaktsınany da saldyrý kerek ekenin atap ótti.

Sebebi, bul - ártúrli vırýstarǵa áser etetin eki túrli vaktsına.

Elvıra Ibragımova Qazaqstanmen shekaralas elderde COVID-19 jaǵdaıynyń nasharlaýy saldarynan koronavırýs JRVI retinde bolýy múmkin ekenine nazar aýdardy.

«JRVI-diń alǵashqy sımptomdary baıqalsa, emdeýdi bastaǵan óte mańyzdy. Ol úshin tumaýdyń aldyn alý sharalaryn saqtaý: maska taǵý, qoldy únemi jýý, baılanysty shekteý qajet. Sonda ǵana ınfektsııa basqalarǵa juqpaıdy»,-dedi dáriger.


Avtor Dýman Arǵyngeldi
Basty sózder: Vaktsına,
Joǵary qaraı