Aýa raıy
Astana -23 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Koronavırýs pen vırýstyq pnevmonııa juqtyrǵan 4,9 myńnan astam medqyzmetkeri tólem aldy

2020 jyldyń 9 qazan 2020 11:28

NUR- SULTAN. QazAqparat - COVID-19-ben kúreske tartylǵan 4 921 medıtsına qyzmetkeri koronavırýs ınfektsııasyn nemese vırýstyq pnevmonııany juqtyrǵan jaǵdaıda memlekettik áleýmettik saqtandyrý qorynan (budan ári – MÁSQ) beriletin birjolǵy áleýmettik tólemdi aldy. Sondaı-aq, MÁSQ aýrýdyń saldarynan qaıtys bolǵan 49 medıtsına qyzmetkeriniń týystaryna tólemder aýdardy, dep habarlaıdy QazAqparat QR Eńbek jáne halyqty áleýmettik qorǵaý minıstrliginiń baspasóz qyzmetine silteme jasap.

Budan buryn habarlanǵandaı, joǵaryda atalǵan tólem tólenetin medıtsına qyzmetkerlerin óńirlerdiń jáne respýblıkalyq mańyzy bar qalalardyń densaýlyq saqtaý basqarmalary janyndaǵy arnaıy komıssııalar aýyrǵan medıtsına qyzmetkerlerin tekserý nátıjeleri negizinde anyqtaıdy. Ótinimderdi jınaqtaýdy QR Densaýlyq saqtaý mınıstrligi júzege asyrady, odan keıin ótinimder elektrondyq is maketterin qalyptastyrý úshin «Azamattarǵa arnalǵan úkimet» memlekettik korporatsııasy» KEAQ-qa berilip, artynsha tólem taǵaıyndaý úshin MÁSQ-ǵa jiberiledi.

9 qazan saǵat 9.00-degi jaǵdaı boıynsha MÁSQ COVID-19 nemese vırýstyq pnevmonııa juqtyrǵan 4 921 medıtsına qyzmetkeriniń ótinishine oraı jáne aýrýdyń saldarynan qaıtys bolǵan 49 medıtsına qyzmetkerine qatysty aqshalaı qarajatty taǵaıyndaý men tóleýdi júzege asyrdy.

Óńirler bólinisinde medıtsına qyzmetkerlerine COVID-19 nemese vırýstyq pnevmonııany juqtyrý jaǵdaıyna tólemderdiń eń kóp sany Nur-Sultan (945) jáne Almaty (544) qalalary jáne Shyǵys Qazaqstan (446), Atyraý (410) jáne Qaraǵandy (409) oblystary boıynsha júrgizildi.

Esterińizge sala keteıik, QR Eńbek jáne halyqty áleýmettik qorǵaý mınıstri men QR Densaýlyq saqtaý mınıstriniń 9 sáýirdegi «Densaýlyq saqtaý uıymdarynyń COVID-19 koronavırýstyq ınfektsııasyna qarsy kúres jónindegi epıdemııaǵa qarsy is-sharalarǵa tartylǵan qyzmetkerleri atalǵan ınfektsııany juqtyrǵan nemese odan qaıtys bolǵan jaǵdaıda olarǵa birjolǵy áleýmettik tólemdi júzege asyrý qaǵıdalaryn bekitý týraly» birlesken buıryǵyna aǵymdaǵy jyldyń 22 shildesinde engizilgen ózgeristerge sáıkes, joǵaryda kórsetilgen tólem:

– koronavırýstyq ınfektsııa nemese vırýstyq pnevmonııa juqtyrǵan medıtsına qyzmetkerlerine – 2 mln teńge;

– COVID-19 koronavırýstyq ınfektsııasyn juqtyrǵannan, vırýstyq pnevmonııamen aýyryp qaıtys bolǵan jaǵdaıda olardyń otbasyna – 10 mln teńge kóleminde tólenedi.


Joǵary qaraı