Aýa raıy
Astana -9 °S
Almaty -12 °S
valıýta baǵamy
USD 421.58
EUR 496.83
RUB 5.53
CNY 62.20

Koronavırýs: ShQO-da shekteý sharalary 17 jeltoqsanǵa deıin uzartyldy

2020 jyldyń 2 jeltoqsan 2020 17:48

ÓSKEMEN. QazAqparat – Shyǵys Qazaqstan oblysynda shekteý sharalary 17 jeltoqsanǵa deıin uzartyldy, dep habarlaıdy QazAqparat tilshisi.

ShQO Bas memlekettik sanıtarlyq dárigeri mindetin atqarýshynyń jańa qaýlysy shyqty. Onda óńir boıynsha karantındik shekteýler 17 jeltoqsanǵa deıin sozylǵandyǵy jazylǵan.

«Oblysaralyq jáne halyqaralyq avtobýs qozǵalysyna tyıym salý saqtaldy. Áleýmettik qashyqtyq pen maska rejımin saqtaǵan kezde halyqtyń kóshelerde, saıabaqtarda, alańdarda, jaǵalaýlarda jáne serýendeý aımaqtarynda júrip-turýlaryna ruqsat etildi. Qarttar men múmkindigi shekteýli adamdarǵa arnalǵan medıtsınalyq-áleýmettik nysandarda, balalar úılerinde, áleýmettik ońaltý ortalyqtarynda, mektep-ınternattarda jáne medıtsınalyq uıymdarda qyzmetkerlerdi jáne patsıentterdi kún saıynǵy tańerteńgi tekserýden ótkizý jalǵasady», - delingen qujatta.

Ata-analarǵa PTR ádisimen COVID-19-ǵa zerthanalyq tekserý arqyly teris nátıjelerin alǵan kúnnen bastap, merzimi 3 kúnnen aspaǵan qujatty usynǵan kezde balalar úılerine jetim balalarmen kezdesý úshin, olardy odan ári asyrap alý úshin, qorǵanshylyqty, qamqorshylyqty belgileý úshin balalar úılerine barýlaryna ruqsat etildi.

«Fıtnes-ortalyqtar, monshalar men saýnalar (toltyrylýy 50%-dan aspaýy tıis), kitaphanalar, murajaılar jumys kúnderi qaıta ashylady. Ǵımarattardan tys ornalasqan muz aıdyndaryna kıim aýystyrý jáne kelýshilerge arnalǵan úı-jaılardy jaba otyryp jumys isteýine ruqsat etiledi. Medıtsına ortalyqtary, stomatologııalar aldyn ala jazylý boıynsha jumys isteıdi», - delingen qaýlyda.


Joǵary qaraı