Aýa raıy
Astana -23 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Koronavırýs: Shyǵys Qazaqstan oblysy «qyzyl aımaqtan» shyqty

2020 jyldyń 2 jeltoqsan 2020 12:31

ÓSKEMEN. QazAqparat – Shyǵys Qazaqstan oblysynda karantın sharalary óz nátıjesin berip, óńir koronavırýstyń taralý qaýpi boıynsha «qyzyldan» «sary» aımaqqa ótti, dep habarlaıdy QazAqparat tilshisi.

«Ortaq kúsh-jigerimizdiń jáne aımaq halqynyń joǵary jaýapkershiliginiń arqasynda biz COVID-19 ınfektsııasynyń taralý deńgeıin tómendete aldyq. Búginde oblysta koronavırýstyń taralý koeffıtsıenti báseńdedi. Vırýs juqtyrǵandar sany 7 qarashada 353 adam bolsa, keshe 73-ti qurady. Eń bastysy, óńirimizde Oqshaýlaý ortalyǵy arqyly vırýstyń juqtyrý tizbegin baqylaý jáne tosqaýyl qoıý júıesi qurylǵan. 1 qarashadan bastap 584 medıtsınalyq-epıdemıologııalyq top ınfektsııanyń 3,5 myń oshaǵynda baılanysta bolǵan 21 618 adammen jumys júrgizdi», - dep jazdy aımaq basshysy Danıal Ahmetov Facebook-paraqshasynda.

Sondaı-aq COVID-19 ınfektsııasyn ýaqtyly anyqtap, emdeý úshin qoldanystaǵy 13 PTR-zerthanaǵa jergilikti bıýdjet esebinen qosymsha 6 zerthana qosylǵan. Aldaǵy kúnderi taǵy bir zerthana ashylmaq.

«Pandemııa bastalǵannan beri ShQO-da 355 myń test ótkizildi, onyń ishinde tek qarashada 101 095 myń zertteý júrgizildi. Bul el boıynsha joǵary kórsetkishterdiń biri. Monıtorıngtik toptar da tıimdi jumys atqardy. 1 qarashadan bastap 166 toppen 1906 reıd júrgizildi, 4426 nysan tekserildi, onyń 1055-inde zańbuzýshylyqtar anyqtalyp, 48 mln teńgege 735 aıyppul salyndy», - dedi oblys ákimi.

Onyń aıtýynsha, 12 qarashadan bastap naýqastardyń kelisimimen oblys aýrýhanalarynda «Favıpıravır» preparaty qoldanylýda. Osynyń nátıjesinde syrqattan saýyqqan azamattar sany artqan. Sonymen qatar donorlardyń kómegimen jınalǵan 3200 ımmýndy plazma belsendi túrde qoldanylyp jatyr.

«Osy jáne basqa da sharalardyń arqasynda biz koronavırýstyń «sary aımaǵyna» óttik. Bul, qoldanystaǵy shekteýlerge birqatar jeńildikter engizýge múmkindik beredi. Alaıda ázirge qaýipti dertten qorǵaıtyn vaktsına joq, sondyqtan KVI-den eń senimdi qorǵanys – saqtyq sharalary men áleýmettik qashyqtyq ekenin umytpaý kerek. Bizdiń qazirgi basty mindetimiz – vırýstyń taralýyna jol bermeý, medıtsınalyq mekemelerdiń tıimdiligin arttyrý jáne halyqtyń densaýlyǵyn saqtaýdy qamtamasyz etý. Ózińiz ben jaqynyńyzǵa qorǵan bolyńyz!», - dedi Danıal Ahmetov.



Joǵary qaraı