Aýa raıy
Astana -5 °S
Almaty 4 °S
valıýta baǵamy
USD 421.58
EUR 496.83
RUB 5.53
CNY 62.20

Koronavırýs statıstıkasy óskenine alańdamaý kerek - Almaty ákimi

2020 jyldyń 5 tamyz 2020 21:18

ALMATY. QazAqparat – Almaty ákimi Baqytjan Saǵyntaev v «Almaty» telearnasynda tikeleı efır arqyly halyqtyń saýaldaryna jaýap berdi, dep habarlaıdy QazAqparat tilshisi.

Ákimniń aıtýynsha, koronavırýs statıstıkasynyń birden ósýi istelip jatqan jumys nátıjesi bolyp otyr.

«Ótken aımen salystyrǵanda qazirgi statıstıka basqasha. Koronavırýs juqtyrý jaǵdaıy kúnnen kúnge artyp keledi. Bul belsendi júrgizilip jatqan PTR taldaýdyń arqasy. Búginde biz 435 myń test jasaǵan ekenbiz. Bul - respýblıka boıynsha rekordty kórsetkish. Onyń ishinde 176 adam ózi júgingen. Qazir qalada kóp jerlerde avtokólikten shyqpaı-aq test tapsyrýǵa bolady. Munyń barlyǵy tsıfrlarǵa áser etetinin ras», - dedi ákim.

Saǵyntaevtyń aıtýynsha, bul shara koronavırýspen kúrestegi medtsınalyq kómekti úılestirý úshin kerek.

«Eger biz qalada ahýal qandaı ekenin bilmesek, qaladaǵy densaýlyq saqtaý nysandarynyń ınfraqurylymyna qandaı júkteme túsetinin bilmeıtin bolamyz. Onyń ishinde tósek oryny, dáriler, jeke qorǵanys quraly, dárigerler, medbıkeler bar. Sondyqtan, júıeni baqylap otyrý úshin bul jumys kerek. Bizge aýrýlar sany artyp kele jatqandaı kóringenmen, bul dıagnostıka boıynsha jasalyp jatqan jumystyń nátıjesi bolyp otyr», - dedi ol.


Joǵary qaraı