Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Koronavırýs: Túrkistan oblysynda 131 naýqac baqylaýǵa alynǵan

2021 jyldyń 18 qańtar 2021 18:32

TÚRKІSTAN. QazAqparat – Túrkistan oblysynda koronovırýs ınfektsııasy boıynsha 131 naýqac baqylaýǵa alynǵan. Karantın aýrýhanalarynda 63 naýqas emdelip jatsa, 66 adam úıinde em qabyldaýda, dep habarlaıdy QazAqparat tilshisi.

Oblystyq qoǵamdyq densaýlyq basqarmasynyń málimetinshe, naýqastardyń arasynda 6 júkti jáne jańadan bosanǵan 2 áıel bar.

Al, búgin indet juqtyrýdyń 10 jaǵdaıy tirkeldi, ósim - táýligine 0,25%.

Óńirde juqpaly aýrýlar aýrýhanalarynda barlyǵy 610 tósek bar.

Oblys epıdemıologılyq ahýaldy baǵalaý kórsetkishi boıynsha «jasyl aımaqta» bolyp, 340 karantın tósek-orny daıyn tur.

COVID-19 ınfektsııasy órshigen jaǵdaıda onyń kólemin 6 ese arttyrýǵa múmkindik bar.

Pandemııa bastalǵaly aımaqta barlyǵy 3889 jaǵdaı tirkelse, onyń 2436-sy - sımptomsyz aýyrǵandar. Emdelýshilerdiń 47% - áıelder.

Osy ýaqyt aralyǵynda jarty mıllıonǵa jýyq azamattan PTR zerthana synamasy alynǵan.

Oblys boıynsha dári-dármek pen ÓJJ apparaty jetkilikti.

Sondyqtan dárigerler alańdaýǵa negiz joq dep otyr.


Joǵary qaraı