Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Koronavırýs vaktsınasy adamnyń genetıkalyq kodyn ózgerte almaıdy – ǵalym

2021 jyldyń 30 qarasha 2021 16:41

NUR-SULTAN. QazAqparat – Qazaqstan medıtsına ýnıversıtetiniń epıdemıologııa, bıostatıstıka jáne dáleldi medıtsına kafedrasynyń dotsenti Rafaıl Qypshaqbaev koronavırýs vaktsınasy adamnyń genetıkalyq kodyna qalaı áser etetinin aıtty, dep habarlaıdy QazAqparat tilshisi.

«Genetıkalyq mýtatsııalar týraly aıtsaq, adamnyń DNQ-sy óte qorǵalǵan qurylym deýge bolady. Ol árkim bir ekpeniń kómegimen ózgerte salatyn osal dúnıe emes. Ondaı bolsa, adam balasy mıllıondaǵan jyl boıy ómir súrip, búginge jetpes edi. Bul bizdiń genetıkalyq kodymyz senimdi qorǵalǵan júıe ekenin kórsetedi. Muny bir deńiz. Ekinshiden, vaktsına adamnyń genetıkalyq kodyn ózgertedi dep daýryǵyp júrgender 6-synypta bıologııa sabaǵyn qashyp-pysyp oqyǵan shyǵar. DNQ-ǵa vaktsına arqyly enip, genetıkalyq kodty ózgertý múmkin emes. Sózime senbegender 6-synyptyń bıologııa oqýlyǵyn ashyp oqysyn. Úshinshiden, shynyn aıtý kerek, teorııalyq turǵyda kez kelgen dárilik zattyń áserinen asqynýlar paıda bolýy múmkin», - degen Rafaıl Qypshaqbaev vaktsınatsııadan keıingi asqyný yqtımaldyǵy bar ekenin, biraq paıdasymen salystyrǵanda shamaly ekenin aıtty.

Sondaı-aq, ǵalym koronavırýs ınfektsııasymen aýyryp shyqqandarǵa «ımmýnıtetim bar» dep arqany keńge salýǵa bolmaıtynyn eskertti.

«Óıtkeni qaıta juqtyrý jaǵdaılaryn eshkim joqqa shyǵara almaıdy. Koronavırýspen aýyryp turý qarsy ımmýnıtet qalyptastyrý degen sóz emes. Immýnıtettiń qanshalyqty qalyptasýy syrqattyń aýyrtpalyǵyna, adam aǵzasynyń jeke erekshelikterine baılanysty. Koronavırýspen aýyryp ımmýnıtet qalyptastyrý jáne vaktsına arqyly ımmýnıtet qalyptastyrýdyń aıyrmashylyǵyn bylaı túsindirýge bolady. Vaktsınatsııa adam aǵzasyn yqtımal ınfektsııany barynsha ońaı ótkerýge daıyndaıtyn jattyǵý sııaqty. Koronavırýspen aýyrý vaktsınatsııaǵa qarsy medıtsınalyq kórsetilim bolmaýy kerek», - dedi Rafaıl Qypshaqbaev.


Joǵary qaraı