Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Koronavırýs juqtyrǵan bir naýqasty emdeýge qansha qarjy jumsalady

2021 jyldyń 16 naýryz 2021 12:39

ALMATY. QazAqparat - Almaty qalalyq qoǵamdyq densaýlyq saqtaý basqarmasynyń bastyǵy Narıman Tabynbaev onlaın brıfıng barysynda shaharda koronavırýstan bir naýqasty emdeý úshin qansha qarjy jumsalatynyn aıtty, dep habarlaıdy QazAqparat tilshisi.

«Jańa jylǵa deıin kovıdti naýqasty emdeý úshin ár kúnniń óz baǵasy bolatyn. Qazirgi ýaqytta Qoǵamdyq densaýlyq saqtaý basqarmasy tarıfterdi anyqtady. Koronavırýs ınfektsııasynyń aýyr túrimen aýyratyn bir naýqasty emdeýge 930 myń teńgeden astam qarajat bólinedi. Aýyrlyǵy ortasha patsıentter úshin - shamamen 450 myń teńge. Árbir jaǵdaı belgilengen tarıftik stavkalar boıynsha qaralady. Búgingi tańda QR Densaýlyq saqtaý mınıstrligi bólgen qarajat koronavırýs ınfektsııasymen aýyratyn naýqastarǵa tolyqtaı jetedi. Oǵan dári-dármekter, dárigerlerdiń, medbıkelerdiń jalaqysy jáne barlyq qurylǵylardyń jabdyqtary kiredi», - dedi Narıman Tabynbaev.

Aıta ketý kerek, 10 naýryzda Almaty qalasy koronavırýs boıynsha «qyzyl» aımaqqa endi. Qalanyń Bas memlekettik sanıtarlyq dárigeri Jandarbek Bekshın jańa qaýly shyǵardy. Oǵan sáıkes karantın rejımi kúsheıtildi.

Ótken táýlikte Almatyda koronavırýs ınfektsııasynyń 297 jaǵdaıy tirkeldi. Statsıonarlyq emdeýde 1 239 adam jatyr. Onyń 64-i - bala. Eresek 13 naýqastyń jaǵdaıy óte aýyr.


Joǵary qaraı