Aýa raıy
Astana -20 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Koronavırýs juqtyrǵan qaı sanattaǵy adamdar birden aýrýhanaǵa jatqyzylady

2020 jyldyń 20 qarasha 2020 17:44

NUR-SULTAN. QazAqparat – Koronavırýs juqtyrǵan qaı sanattaǵy adamdar birden aýrýhanaǵa jatqyzylady? Bul azamattardyń sanatyn Nur-Sultandaǵy Kópsalaly medıtsınalyq ortalyǵyna qaraıtyn qalalyq ınfektsııalyq ortalyqtyń basshysy Tatıana Tsechoeva atady, dep habarlaıdy QazAqparat tilshisi.

«Olar: ókpesiniń qandaı bóligi qabynǵanyna qaramastan pnevmonııasy órshigender, qant dıabetimen aýyratyndar, deneniń artyq salmaǵynan qıyndyq kórip júrgender, ártúrli júrek-qan tamyrly aýrýyna shaldyqqandar, onyń ishinde arterıaldy gıpertenzııasy barlar. Sonymen qatar ókpesiniń qabyný deńgeıi 30 paıyzǵa jetkender, koronavırýs juqtyrǵan aıaǵy aýyr áıelder, sondaı-aq koronavırýsty aýyr kóteretinder men úıinde emdelýge nemese oqshaýlanýǵa jaǵdaıy joq azamattar da birden statsıonarǵa jetkiziledi», - dedi Tatıana Tsechoeva OKQ-da ótken baspasóz máslıhatynda.

Infektsıonıst mamannyń aıtýynsha qazir koronavırýs juqtyrǵan azamattar №10 hattama boıynsha emdelip jatyr.

«Koronavırýsty orta jáne aýyr deńgeıde kóterýdiń sıpattamasy qandaı? Aýrý aǵzada qanshalyqty jyldam órshýi múmkin? Sondaı-aq koronavırýsty órshitip almaýdyń joldary qandaı? Eń birinshi kezekte ózińizdi emdeýdi doǵaryńyz. ıAǵnı birneshe aýrýy bar azamattar burynnan qabyldap júrgen bazalyq preparattardy qabyldaýdy toqtatpaýy tıis. Tipti koronavırýs juqtyrǵan ýaqytta da, statsıonardan shyqqan kúnde de sol rejım men preparattardy qabyldaýdy jalǵastyrǵandary durys. Álbette aýrý dárejesi ýyttaný sındromyna, demniń jetpeý deńgeıine baılanysty aıqyndalady. Ol vırýs ár adamnyń boıynda ártúrli deńgeıde órshıdi», - dedi ol.

Eske sala ketsek buǵan deıin Tatıana Tsechoeva koronavırýs pen tumaýdyń aıyrmashylyǵy nede ekenin túsindirip bergen bolatyn. https://www.inform.kz/qz/infekcionist-maman-koronavirus-pen-tumaudyn-ayyrmashylygyn-tusindirdi_a3721131


Joǵary qaraı