Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Koronavırýsqa 20-40 jasqa deıingi jastar jıi shaldyǵady – dáriger

2021 jyldyń 5 tamyz 2021 21:37

ALMATY. QazAqparat – Koronavırýs ınfektsııasyna 20-40 jasqa deıingi jastar jıi shaldyǵady. Bul týraly Almatynyń №8 emhanasynyń bas dárigeri Farıda Aǵybaeva aıtty, dep habarlaıdy QazAqparat.

Onyń aıtýynsha, vırýs juqtyrǵandardyń 37% 20 men 40 jas aralyǵyndaǵy azamattar.

«Qazir balalardyń koronavırýsty jeńil qabyldaıtyny anyqtaldy. Biraq 6-12 aıdan keıin kópshiliginde postkovıdti sındrom paıda bolady. Ol kez kelgen organǵa áser etedi ári dert óte aýyr bolady. Sondyqtan ata-analar barynsha saq bolýylary tıis. Kóbinese syrqattanǵan balalardyń qanynda ımmýnoglobýlın M tappaıtynymyzdy eskergen jón (bul kovıdti kórsetedi). Sonymen qatar, biraz ýaqyttan keıin denede qorǵanysh deneleri (ımmýnoglobýlın G) paıda bolady. Olar tasymaldanatyn koronavırýs týraly aıtady. Bul – jumbaq», - deıdi F. Aǵybaeva.

Dáriger málim etkendeı, bir jasqa deıingi jáne sozylmaly patologııasy bar balalar koronavırýspen jıi aýyrady. Buǵan deıin Almaty qalasynyń Sanıtarlyq-epıdemıologııalyq baqylaý departamenti sońǵy eki aptada naýqastardyń jasyna taldaý jasalǵanyn, oǵan sáıkes jasóspirimder arasynda KVI ınfektsııasynyń úlesi 0,7%-ǵa jáne 40-59 jastaǵy azamattarda 0,8%-ǵa óskenin habarlaǵan bolatyn.

Negizinen, koronavırýs ınfektsııasy 20-40 jasqa deıingi jastarda - 37%, 40-59 jastaǵy azamattarda - 25%, 60 jastan asqan adamdarda - 19% jáne 14 jasqa deıingi balalarda - 13% kezdesedi.

«Kóbinese koronavırýs otbasynda juǵady, balalar ata-anasynan juǵýy múmkin. Sondyqtan, búginde balalardyń qoǵamdyq oryndarǵa barýyn shekteýge tyrysý kerek. Olardy ózińizben dúkenderge aparmańyz jáne olarmen qoǵamdyq kólikpen sırek júrińiz. Al qazir ata-analar úshin koronavırýsqa qarsy vaktsına alý mańyzdy. Bul, balalardyń indetti juqtyrmaý múmkindigin arttyrady», - dedi F. Aǵybaeva.

Bas dáriger betperde rejımin saqtaýdyń óte mańyzdy ekenin aıtty. Mysaly, matadan jasalǵan birrettik medıtsınalyq maskalar 3 mkm asatyn aerozolderdiń 95% ustaýǵa qabiletti.

«Dıametri kishirek bólshekterdiń tek 5% ǵana qorǵanys qurylǵysyna enip, tynys alý júıesine ene alady. 4 qabatty matadan nemese tyǵyz jasandy kenepten jasalǵan qaıta qoldanylatyn maska is júzinde birrettik buıymdar sııaqty tıimdi. Eń aldymen, naýqas betine JQQ kııýi kerek, osylaısha aýzynan jáne murnynan shyqqan fızıologııalyq suıyqtyq betperdede qalady», - deıdi F. Aǵybaeva.

Deni saý adam da betperde taǵýy tıis. Sebebi naýqas adamnan nemese vırýsty tasymaldaýshydan juqtyrýy múmkin. Birrettik maskany 2-3 saǵat boıy taǵýǵa bolady. Qaıta qoldanýǵa bolatyn maskany birneshe ret taǵýǵa bolady. Qoldanǵannan keıin ony untaq pen dezınfektsııalaýshy qosylǵan ystyq sýmen jýyp, keptirip, útikteý kerek.


Joǵary qaraı