Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Koronavırýsqa shaldyqqandardyń kóbi aýyr jaǵdaıda túsip jatyr – aqtóbelik dáriger

2021 jyldyń 22 qańtar 2021 16:29

AQTÓBE. QazAqparat – Aqtóbe oblystyq densaýlyq saqtaý basqarmasy jótelip, dene qyzýy kóterilgenderdiń kóbi úıden emdelip, aýrýyn asqyndyryp alǵanyn aıtady. Bul týraly basqarma basshysynyń orynbasary Bekbolat Іzbasarov brıfıngte málim etti, dep habarlaıdy QazAqparat tilshisi.

Aqtóbe oblysy boıynsha sońǵy táýlikte 17 adamnan koronavırýs ınfektsııasy anyqtaldy. Onyń kóbi Aqtóbe qalasynyń, ózgesi Alǵa, Mártók, Muǵaljar aýdandarynyń turǵyndary. Dál qazirgi ýaqytta taǵy 400-den astam adam úı karantıninde. Olardyń bári dárigerler qaraýyna alynǵan.

«17-21 qańtar kúnderi aralyǵynda 70 adam koronavırýs ınfektsııasyna shaldyqty. Qańtar aıynda barlyǵy 85 adamnan pnevmonııa anyqtaldy. Jyl basynan beri «Álimbet», «Jaısań» sanıtarlyq beketteri arqyly 590 jolaýshy men 300-ge jýyq júrgizýshi, 68 tranzıttik kólik júrgizýshisi tekserildi. 39 adamnyń arnaıy anyqtamasy bolmady. Olardyń bári karantıntik statsıonarǵa jatqyzyldy. Tekserý kezinde 47 adamnan koronavırýs ınfektsııasy anyqtaldy. Qazir Batys Qazaqstan oblysy «qyzyl» aımaqqa kirdi. Bul Aqtóbe úshin de qaýipti. Biz saqtyq sharasyn ustanýǵa shaqyramyz. Araqashyqtyqty saqtap, maska taǵýdy umytpańyzdar. Aýrý belgisi anyqtalsa, birden dáriger kómegine júgingen jón», - dedi oblystyq sanıtarlyq-epıdemıologııalyq baqylaý departamenti basshysynyń orynbasary Muhtar Serbaev.

Osy aptada óńirde 4 adam koronavırýs ınfektsııasynan kóz jumǵan.

«Koronavırýs ınfektsııasynan kóz jumǵandardyń kóbi – egde jastaǵylar. Bireýi Temir aýdanynyń turǵyny. 83 jastaǵy turǵyn júrek-qan tamyrlary aýrýyna shaldyqqan. Ekinshisi 79 jastaǵy Mártók aýdanynyń turǵyny. Onyń búıregi aýyrǵan. Taǵy ekeýi 55 jáne 68 jastaǵy Aqtóbe qalasynyń turǵyndary. Ekeýiniń de júrek-qan tamyrlary aýyrǵan. Qant dıabeti de bar. Mine, osyndaı sozylmaly derti bar adamdar úshin koronavırýs ınfektsııasy qaýipti. Sonymen birge qazir kóp naýqas jaǵdaıy aýyr kúıinde túsedi. Adamdar úıden em qabyldap, ózderi antıbıotık ishpeýi tıis. Jedel respıratorly vırýstyq ınfektsııa da qaýipti. Bul da koronavırýstyń belgilerimen uqsas. Kóbi qarapaıym tumaý dep oılap, júre beredi. Alǵashqy belgi anyqtalsa, birden ýchaskelik dárigerge habar bergen jón. Brıgada kelgen kezde PTR test alady», - dedi oblystyq densaýlyq saqtaý basqarmasy basshysynyń orynbasary Bekbolat Іzbasarov.


Joǵary qaraı