Aýa raıy
Astana -25 °S
Almaty -9 °S
valıýta baǵamy
USD 421.58
EUR 496.83
RUB 5.53
CNY 62.20

Koronavırýspen kúres: Kıpr Qazaqstanǵa gýmanıtarlyq kómek kórsetip otyr

2020 jyldyń 26 qazan 2020 19:33

ALMATY. QazAqparat - Qazaqstannyń Izraıldegi jáne Kıpr Respýblıkasyndaǵy Elshiliginiń kómegimen 12 qazanda Almaty qalasyna Kıprdiń Remedica farmatsevtıkalyq kompanııasynyń gýmanıtarlyq kómegi jetkizildi. Bul jóninde Syrtqy ister mınıstrliginiń resmı saıtyna silteme jasap QazAqparat habarlaıdy.

Salmaǵy 500 kelideı júk 9000-nan astam dári-dármek pen 50 000 maskadan turady.

Gýmanıtarlyq kómek Densaýlyq saqtaý mınıstrligimen kelisim boıynsha Qazaqstan aımaqtaryna taratý úshin biryńǵaı dıstrıbıýtor sanalatyn SQ «Farmatsııa» kompanııasynyń qaramaǵyna tústi.

Bul yqpaldastyq koronavırýstyń taralýyn boldyrmaý maqsatynda birlesken kúsh-jiger aıasynda júzege asyryldy.

Kórsetilgen kómek Qazaqstan men Kıpr arasyndaǵy dástúrli dostyq qatynastardy, sondaı-aq pandemııaǵa qarsy halyqaralyq kúsh-jigerdegi yntymaqtastyqty aıqyn kórsetedi.

Aıta keteıik, Remedica - Kıprde ornalasqan jetekshi farmatsevtıkalyq kompanııa jáne onyń ónimderi álemniń 160-tan astam elderinde taratylady.

Kompanııa azamattarǵa arnalǵan sapaly, qaýipsiz jáne tıimdi farmatsevtıkalyq ónimderdi ázirleý, óndirý jáne satý isine mamandanǵan.

Qazirgi ýaqytta farmatsevtıkalyq uıymnyń Eýropalyq Odaqqa múshe memleketter men birqatar álemdik jetekshi elderdiń densaýlyq saqtaý organdary maquldaǵan 5 zamanaýı zaýyty bar.


Joǵary qaraı